Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Haurrak euskarazko hezkuntza ereduetan matrikulatzearen aldeko informazio kanpaina jarri dute abian Bizkaiko 46 herrik


2009-02-04 11:13

BILBO, 4 (EUROPA PRESS)

Bizkaiko 46 udalerrik abian jarri dute haurrak euskarazko hezkuntza ereduetan matrikulatzeko sentiberatze kanpaina. 2 eta 3 urteko haurrak dituzten gurasoei zuzenduta dago kanpaina eta haren bidez, seme-alabak lehen aldiz matrikulatuko dituzten familiei, eta hezkuntza sistema osatzen duten ereduei buruzko informazioa emango zaie.

Ekimena 14.000 familiari zuzenduta dago, eta hurrengo asteetan zabalduko da, honako udalerri hauetan: Alonsotegi, Arrieta, Abanto-Zierbena, Arrigorriaga, Balmaseda, Berango, Berriz, Bilbo, Enkarterri, Erandio, Etxebarri, Fruiz, Galdakao, Gamiz-Fika, Gatika, Getxo, Gordexola, Laukiz, Leioa, Maruri-Jatabe, Mungia, Muskiz, Ortuella, Sestao, Txorierri, Uribe Kosta, Urduña, Zaldibar eta Zierbena.

Alkarbide Bizkaiko Euskara Zerbitzuen Bilgunea izango da kanpaina koordinatzeko arduraduna eta, aurreko edizioetan bezala, 1+1=bi izango da kanpainaren goiburua. Izenburu hori ardatz hartuta, komunikatzeko eta gizarteratzeko orduan, elebitasunak dituen abantailen berri eman nahi zaie familiei; ildo horretan, keinu berezia egin nahi izan zaie beste herrialde batzuetatik helduriko gurasoei.

Kanpaina honetan hainbat liburuxka banatu dira, eta euretan gure hezkuntza sistema osatzen duten ereduei buruzko informazio zabala eman da. Horrekin batera, udal bakoitzeko arduradunak sinatutako gutuna eta eskolan hastear dauden umeentzako oparia ere banatu dira; aurten 1+1=bi izenburuko adimen-jolasa jasoko dute umeek euren etxeetan.

IAZKO DATUAK

2008-2009 ikasturteko datuak oinarri hartuta, Bizkaian, 45.440 ume matrikulatu ziren haur hezkuntzan. Gehienak, 30.292 haur, D ereduan matrikulatu ziren; 11.809, B ereduan; 2.876, A ereduan eta 463, X ereduan. Lehen Hezkuntzan 56.540 ikasle matrikulatu ziren, 32.395 D ereduan, 17.206 B ereduan, 6.116 A ereduan eta 823 X ereduan.

Datu horiek aintzat hartuta, joan den ikasturtean, ikasleen %6,3 matrikulatu zen A ereduan, %25,98 B ereduan eta %66,6 D ereduan, euskara hutsezkoan, alegia. Iazko ikasturtean %7,20 ibili zen A ereduan, %26,06 B ereduan eta %65,76 D ereduan.


1079 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin