Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Haur, gazte eta garapenerako zerbitzuaren 2005-2008 eperako plan estrategikoa aurkeztu du Gipuzkoako Diputazioak


2006-01-16 12:58

Plan honen helburua Gipuzkoako haur, gazte eta nerabeen eskubide guztiak bermatzea da

DONOSTIA, 16 (EUROPA PRESS)

Gipuzkoako Diputazioaren Giza Eskubideetarako, Enplegurako eta Gizarteratzeko Sailak Haurren, Gazteen eta Garapenerako Lankidetzaren zerbitzuaren 2005-2008 eperako plan estrategikoa aurkeztu berri du lurralde historiko honetako haur, gazte eta nerabeen eskubide guztiak bermatu asmoz.

Foru Aldundi gipuzkoarrak komunikatu batean azaldu duenez, hurrengo urteetan landuko diren ildoak, helburuak, balioak, metodologia eta ekintzak jasotzen ditu planak.

Legegintzaldiaren hasieran, Haurren, Gazteen eta Garapenerako Lankidetzaren Zerbitzu berria eratzea erabaki zuen Gipuzkoako Foru Aldundiak. Zerbitzu horrek batu egin ditu aurreko Gazteria Zerbitzua, ordura arte Gizartekintzaren barruan zegoen Balorazio eta Orientazio Unitatea, eta Garapenerako Lankidetzarako programa berria.

Departamentu-egitura berri horrek Zerbitzuaren ildo estrategikoak eguneratzera behartu gaitu; besteak beste, arazo konplexuei erantzun osoak emateko, denon arteko irakurketak egiteko eta ikuspegiak bateratzeko.

Hauek dira Zerbitzuaren egiteko nagusiak: haurren, gazteen eta nerabeen eskubideak sustatzea, babesgabetasun-egoerak sortu eta errotu ez daitezen prebenitzea, eta arrisku-egoeran dauden adin txikikoak babestea.

Horrekin batera, gizarte-eragileak haurren, gazteen eta nerabeen eskubideekiko sentikor bihurtu nahi ditu, tokiko gazteria-zerbitzuak bultzatu eta dinamizatu, eta babes-baliabideak koordinatu.

Gipuzkoako haurren, gazteen eta nerabeen egungo egoerari buruzko diagnostikoa du oinarrian Foru Aldundiko Haurren, Gazteriaren eta Garapenerako Lankidetzaren Zerbitzuaren ildo estrategiko berriak, diagnostiko horri erreparatuta egin baita 2005-2008 eperako Plan Estrategiko berria.


170 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin