Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hamar atxilotu Oñatin eta beste bost Gasteizen higiezinak usurpatzeagatik


2006-02-03 16:00



BILBO, 3 (EUROPA PRESS)

Euskal Poliziak hamabost lagun atxilotu zituen guztira atzo ondasun higiezinen usurpazio delitua leporatuta. Oñatin (Gipuzkoa) hamar lagun atzitu zituzten inor bizi ez zen baserri bat, jabeen baimenik gabe, okupatzeagatik eta Gasteizen, epailearen agindua betez, Errementari kaleko etxe batetik bost lagun atera eta atxilotu zituen Ertzaintzak, Herrizaingo Sailetik informatzen denaren arabera.



Arratsaldeko 6,30ak aldera, Martzelino Zelaia kalean hutsik zegoen baserri bat okupatuta zegoela jakinarazi zion Oñatiko Udaltzaingoak Ertzaintzari. Urtarrilaren lehen egunetan hainbat lagun ondasun higiezin hori okupatzen saiatu ziren, jabeen baimenik gabe, eta, hori dela eta, bertarako sarrera itxi egin zuten horma bat eginda. Antza denez, atzo oztopo hori hautsi zuten gazte batzuek eta baserrira itzuli ziren.

Ertzaintzak gazte horiek legez kanpoko okupazioa egin zutela egiaztatu zuten, eta horietako hamar (18 eta 32 urte artekoak) atxilotu zituen ondasun higiezin bat usurpatzearen delitua leporatuta. Beste hiru adin txikikori ere delitu bera egotzi zien. Polizia-eginbideak amaitu ostean, hamar atxilotuak aske gelditu ziren, Bergarako Epaitegian egingo den epaiketa azkar batean agertzeko zain.

Bestalde, atzo arratsaldeko lauretan, epaileak agindutako ofizio bati jarraituz, etxe bat hustu zuten Ertzaintzako agenteek Errementari kalean, Gasteizen. Etxe barruan zeuden lagunetatik bost usurpatzearen delitua leporatuta atxilotu zituzten eta polizia-egoitzara eraman zituzten, behar bezala identifikatu ahal izateko.

Horietako batzuen kontra epaileen aginduak zeuden betetzeko zain. Etxea hustu ostean, etxeko sarrera itxi zuten berriro. Bost atxilotuak gaur goizean utzi dituzte Gasteizko Epaitegiaren esku.


445 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin