Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Haberen Boga euskara on-line ikasteko sistema Australiako euskal etxeetan erabiliko da


2006-08-14 12:34

Euskararen autoikaskuntzarako on-line sistema Sydney eta Townsvilleko euskal etxeetan ezarri da

DONOSTIA, 14 (EUROPA PRESS)

Euskarak bultzada berria jaso du Australian, Helduen Alfabetatze eta Berreuskalduntze Erakundearen (Habe) Boga Internet bidez euskara ikasteko sistema ezarri baita bertako hiru euskal etxeetan, Eusko Jaurlaritzako iturriek gaur jakinarazi dutenez.

Horretarako, Josu Legarreta Atzerriko Euskal Elkarteekiko Harremanetarako zuzendaria eta Kinku Zinkunegi Haberen Euskara Munduan programaren koordinatzailea Australian izan dira. Melbourne, Townsville eta Sydney bisitatu zituzten, eta Gure Txoko euskal etxearen 40. urtemugaren ospakizunean ere parte hartu zuten.

Zinkunegik azaldu du azken urteetan Hego Amerikan, AEBtan, Europan eta Kanadan sartzen aritu izan direla Boga sistema; baina Australia falta zitzaigun, gaineratu du. Horrela, Sydneyko Euskal Etxeaz gain, Townsvilleko Basque Clubak ere izango du sistema. Legarretak eta Zinkunegik Melbourneko euskal zentroa ere bisitatu zuten, baina euskaldunen multzoa oso murritza da eta, beraz, ez genuen Boga instalatu.

EUSKARA MUNDUAN

Argentina Euskaraz egitasmoa duela 16 urte hasi zen herrialde horretako euskal etxeetan euskararen presentzia bermatzeko asmoz. 2000. urtean, Euskara Munduan izena hartu zuen, eta 2003an behin betiko bultzada eman zitzaion Gasteizen ospaturiko Euskal Elkarteen Munduko Biltzarrean.

Programak hiru ardatz nagusi ditu. Lehenengoan, irakasleak hezi eta euskalduntzen dira Haberen Irakaslearen Gunea plataforma birtualaren bitartez.

Irakasle izateko prestatzen ari direnak Argentina guztitik zabalduta daude eta Maizpideko barnetegiaren bitartez gestionatuak dira. Urte guztietan bi barne-ikastaro antolatzen dira gaitasunak eta trebeziak lantzeko, urrutitik egitea ezinezkoa delako, azaldu dute. Euskara maila egokia lortzen dutenean, oinarrizko irakaspen pedagogikoa jasotzera igarotzen dira.

Egitasmoaren bigarren ildo nagusia, euskal zentroek irakaskuntza eta ikasketarako behar diren oinarrizko materialak izatean datza. Horretarako, kontsultarako eta klaseetan erabili behar dituzten materialak helarazten zaizkie irakasleei. 2003tik, Boga sistema 40 euskal etxe baino gehiagotan dago.

Azkenik, programaren hirugarren ardatza diru-laguntzena da. Urtero argitaratzen den deialdiaren bitartez, Habek laguntzak ematen ditu ikastaroak antolatzeko.


358 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin