Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Guztira 25 milioi pertsona baino gehiagok bidaiatu zuten iaz EuskoTrenekin, %7,01 gehiagok


2006-01-26 14:30



BILBO, 26 (EUROPA PRESS)

Eusko Jaurlaritzaren Garraio eta Herri Lan Sailaren esku dagoen EuskoTren Sozietate Publikoak iazko 2005 osoan guztira 25.640.870 bidaiari eduki zituen, funikularrez, trenez, tranbiaz edo autobusez garraiotutakoak kontuan harturik, hau da, 2004an bidaiatu zuten pertsonen kopurua baino %7,01 gehiagok.

Garraiobide euskalduneko iturrien arabera, joan den urte osoan, 17.756.801 pertsonak erabili zuten tren zerbitzua (% 6,34ko igoera). Bilboko Tranbia izan zen 2.819.927 pertsonak bidaiatzeko aukeratu zuten zerbitzua (%28,66ko igoera), eta autobusa, berriz, 5.064.142 pertsonak erabili zuten (%-0,01)

Datu horiek aztertuta ikus daiteke Tranbiak gorako joera nabarmena erakusten duela, tren zerbitzuaren eskaria berreskuratzen ari dela, eta bere horretan jarraitzen dutela, orokorrean, konpainiaren funikular eta autobus zerbitzuek.

Eusko Jaurlaritzaren Garraio eta Herri Lan Sailaren esku dagoen EuskoTren Sozietate Publikoaren tren zerbitzua 17.756.801 pertsonak erabili zuten 2005ean. Topoa (Lasarte Oria-Donostia-Hendaia) izan da, 2005ean ere, erabiltzaile gehien bildu dituen linea, 6,5 milioi bidaiari izan baititu.

Lurralde historikoei dagokienez, azken ekitaldiko bilakaera honako hau izan da: Bizkaian bidaiarien kopurua %4,33 igo da; horrela, 2004an 7.043.355 erabiltzaile izan baziren, 2005ean 7.348.049 erabiltzaile izan dira.

Bilboko Tranbiak etengabe jarraitzen du gorako bidean. 2005ean ia hiru milioi bidaiari lortu zituen(2.819.927). Kopuru horrek %28,66ko igoera erakusten du. Larreinetako funikularrari dagokionez, 2005ean 203.666 bidaiari izan zituen, hau da, aurreko urtean zerbitzu bera erabili zuten bidaiari kopurua (203.973 erabiltzaile) baino %0,15 gutxiago.

Gipuzkoan erabiltzaile kopurua ehuneko 7,81 igo da; 2004an 9.654.976 pertsonak erabili zuten zerbitzua Gipuzkoan, eta 2005ean 10.408.752 izan dira.

AUTOBUSAK

Autobus zerbitzuei dagokienez, 2005. urtea aurreko urteko kopuru ia berberekin amaitu zen. %0,01 jaitsi da erabiltzaileen kopurua, hau da, 2005ean 5.064.142 bidaiarik erabili zituzten EuskoTrenen autobusak, eta 2004an, berriz, 5.064.407 bidaiarik.

Gipuzkoako linea guztiek, autopistaz Zumaia eta Donostia lotzen dituena izan ezik, bidaiari gehiago izan dituzte, aurreko ekitaldiarekin alderatuz.

Bizkaian, EuskoTreneko autobusak gaur egun Bizkaiko Foru Aldundiak sustatutako eta koordinatutako Bizkaibus sistemaren barruan daude. EuskoTrenek kudeatutako zerbitzuek hainbat linea dituzte itsasadarraren Eskuinaldeko eta Ezkerraldeko eskualdeetan (unibertsitate zerbitzua Leioan dagoen EHU-ren Campusera).


352 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin