Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Guztira 1.841 ikaslek eskuratu zuten titulua Deustuko Unibertsitatean 2007-2008 ikasturtean


2009-01-28 13:12

BILBO, 28 (EUROPA PRESS)

Gaur hasi dira Deustuko Unibertsitatean 2007-2008 ikasturtean ikasketa ofizialak amaitu zituzten fakultate eta eskoletako ikasleen inbestidura ekitaldiak, San Tomas Akinokoa unibertsitateko zaindariaren festarekin bat eginez. Guztira 1.841 ikasle izan dira.

Ikasle horietatik 171 Zuzenbidekoak izan dira; 56 Filosofia eta Letretakoak; 266 Filosofia eta Hezkuntza Zientzietakoak; 105 Komertzialeko Ekonomia eta Enpresa Zientzietakoak; 17 Teologiakoak; zortzi Soziologia eta Politika Zientzietakoak; 759 Ingeniaritzakoak; 204 Turismokoak eta Gizarte Lanekoak; bederatzi Erlijio Zientzien Goi Institutukoak; 116 Donostiako ESTEko Ekonomia eta Enpresa Zientzietakoak; 92 Giza Zientzietakoak eta 38 Donostiako Turismokoak.

Tituludun berri hauei iaz doktoregoko tesia defendatu zuten 37 doktore berri ere gehitu behar zaizkie. Doktore berri hauei eta Teologiako lizentziatuei eskaini die Deustuko Unibertsitateak inbestidurako lehenengo jardunaldia, gaur goizean, 100 urte baino

gehiagoko protokolo eta tradizioarekin, ikastetxeko Paraninfoan.

Deustuko Unibertsitateko errektore Jaime Oraa buru dela ospatu den

ekitaldiak iazko ikaslerik bikainenei Karrera Amaierako DU Sariak eta Ingeniaritza Fakultateko titulazioetako lehenengoei Mendieta eta

Lanbarri Fundazioaren Sariak emateko tartea ere hartu du.

2007-2008 promozioko Karrera Amaierako Sari Bereziei dagokienez, 25 tituludunek eskuratu dituzte, promozioko ikasketa espedienterik onenak dituztenek hain zuzen. Agiri bat ez ezik, doktoregoko ikasketak egiteko matrikula eskubideen finantziazioa -lizentziatuen kasuan- eta bigarren zikloko ikasketekin jarraitzekoa -diplomatuen

kasuan- jaso dute pertsona hauek.

Era berean, Mendieta eta Lanbarri Fundazioak Ingeniaritza Fakultateko titulazioetako lehenengo ikasleentzako sariak eman ditu hirugarren urtez.

Hemendik aurrera, gainerako fakultate eta eskolek ospatuko dituzte

inbestidura ekitaldiak egutegi honen arabera: Zuzenbide Fakultateak eta Donostiako ESTE-Ekonomia eta Enpresa Zientzien Fakultateak, urtarrilaren 31n; Bilboko Filosofia eta Letren Fakultateak eta Donostiako Giza Zientzien Fakultateak, Turismo Eskolak eta Gizarte Laneko Eskolak, otsailaren 7an; Bilboko Filosofia eta Hezkuntza Zientzien Fakultateak, otsailaren 14an; Bilboko Soziologia eta Politika Zientzien Fakultateak eta Gizarte Lanak, otsailaren 21ean; Bilboko Komertzial-Ekonomia eta Enpresa Zientzien Fakultateak, otsailaren 28an; Bilboko Ingeniaritza Fakultateak, martxoaren 6an eta 7an; eta Bilboko Turismoko Eskolak eta Zuzendaritzako Idazkarien Eskolak, martxoaren 14an.


187 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin