Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Guztira 17 langile zauritu dira Amurrioko Tubacex altzairu-fabrikan goizaldean izandako leherketa eta sute batean


2006-08-30 10:31

BILBO, 30 (EUROPA PRESS)

Guztira 17 langile zauritu dira Amurrio udalerri arabarreko Tubacex altzairu-fabrikan gaur goizaldean izandako leherketa batean, Eusko Jaurlaritzako Herrizaingo Saileko iturriek Europa Press-i jakinarazi diotenaren arabera.

Emandako informazioek diotenez, ezbeharra goizeko 2,35etan gertatu da burdinurtuaren isurketa-zalia irauli denean eta inguruko hezetasunarekin bat egitean leherketa bat izan da eta berehala hasi da sutea.

Nahiz eta bertan zeuden langileek zauri larririk jasan ez duten arren (zituzten kalteak ubelak, ebakiak eta kea nahiko arnastua izana ziren) denak eraman dituzte inguruetako ospitaletara. Bestalde, leherketaren ondorioz Tubacexeko pabiloi amurriotarrak kalte garrantzitsuak jasan ditu, iturrien esanetan.

Tubacex altzairu herdoilgaitzan soldadura gabeko hodiak fabrikatzen dituen munduko bigarren egilea da. Llodio udalerri arabarrean du bere egoitza nagusia eta Espainia, Austria, Frantzia eta Estatu Batuetan ditu eskumendeko fabrikak. Gainera Italia, Frantzia, Herbereak, Alemania, Polonia, Txekiar Errepublika, Hungria, Kanada, Txina eta Korean ordezkaritzak ere baditu.

Azken egunotan Euskal Autonomia Erkidegoko (EAE) fabrika batek jasaten duen bigarren sutea da, astelehen goizaldean Amorebietako ibilgailuen birziklapen fabrika batean izandako sutearen ondoren.


442 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin