Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Guztira 16 latinoamerikar film lehiatuko dira aurten Donostiako Zinemaldiko Horizontes Aukeraketa atalean


2006-09-01 13:20



DONOSTIA, 1 (EUROPA PRESS)

Guztira 16 pelikula lehiatuko dira aurten Donostiako Nazioarteko 54. Zinemaldiaren Horizontes Aukeraketa atalean. Urteko latinoamerikar filmen panoramika honetan partaide diren lanek film onenaren Horizones saria eskuratzeko aukera izango dute.

Zinemaldi donostiarrak komunikatu batean argitu duenez, Zinema Eraikitzen ekimeneko deialditakoren batean proiektu moduan aurkezturiko hamar pelikula Horizontes Aukeraketan sartu dira, eta behin amaituta daudela, horietako batzuek nazioarteko ibilbide nabarmenari ekin diote, Cannes 2006ko Un Certain Regard sailean parte hartutako El Violin filmak, edo La perrera, Rotterdamgo jaialdian VPRO Tiger Award saria bereganatutakoak, kasu.

Halaber, dagoeneko nazioarteko ibilbide bikaina osatu duten filmak ikusi ahal izango dira, Berlingo zinemaldiko sail ofizialean lehiatutako El Custodio lana, edo Glue (Historia adolescente en medio de la nada), Rotterdamgo eta Buenos Airesko zinema-jaialdietan aurkeztua.

Honez gain, Horizontes Berezia izendapenaz, lehiaketatik kanpo aurkeztuko da, Roman Chalbaudek zuzendutako El Caracazo film venezuelarra. Informazio gehiago, www.sansebastianfestival.com helbidean.

Azkenik, Made in Spain sailak urteko espainiar ekoizpen interesgarrienen aukeraketa zorrotza eskainiko du, eta dagoeneko iragarritako Zinema Eraikitzen ekimeneko hamargarren deialdira aurkeztuko diren proiektuekin batera, zinemaldiak espainiar eta latinoamerikar zinemari oso-osorik eskaintzen dion Horizontes Latinos saioaren hiru atalak osatuko ditu.




160 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin