Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Guztira 1.140 entitatek euskararekiko konpromisoa adierazi dute Kontseiluaren Bai Euskarari Ziurtagiriaren bidez


2006-01-31 13:38



BILBO, 31 (EUROPA PRESS)

Kontseiluak Bai Euskarari Ziurtagiriaren 2005 urteko balantzea plazaratu berri du, Enpresek, saltokiek eta era guztietako entitateek euskararen normalizazioa lortzeko pausoak eman dituzte, aitortu duelarik Xabier Mendigurenek, idazkari nagusiak. Euskararen Gizarte Erakundeen Kontseiluak urte berriari 1.140 Bai Euskarari Ziurtagiriarekin ekin dio.

Kontseiluko iturrien arabera, Bai Euskarari Ziurtagiria euskararekiko konpromisoa adierazteko tresna da, adierazi du Mendigurenek. Idazkari nagusiak nabarmendu du enpresek, saltokiek eta era guztietako entitateek hizkuntzaren normalizazioan daukaten garrantzia. Enpresek gizartearen nahi eta beharrekin bat egiten jakin behar dute, enpresen erantzukizun sozialarekin bat egiten alegia.

Bai Euskarari Ziurtagiriaren bidez Kontseiluak bost urte darama Euskal Herri osoan hizkuntzarekiko konpromisoa hedatzen. 2005ean hazkunde garrantzitsuena izan zuen, %30ekoa. Gainera, bere sorreratik orain arte Bai Euskarari Ziurtagiriaren maila gorena pixkanaka hazi da. Guk zerbitzua eta lana euskaraz ehun Ziurtagiri baino gehiago eskuratu dira. Dakizuenez Bai Euskarari Ziurtagiriak hiru maila dauzka: bidean, Guk zerbitzua euskaraz eta *Guk zerbitzua eta lana euskaraz, adierazi dute.

Kontseiluko ordezkarien arabera, nabarmentzekoa da Bai Euskarari Ziurtagiriarekin konprometitu direnen lana, eta zenbait enpresa ezagun aipatu dituzte: Haien artean, Cegasa, Euskadiko Kooperatiben Konfederazioa, Vicesa, Saski Baskonia, Gipuzkoako Ur Kontsortzioa, SPRI, Eroski edo Kalitatea Fundazioa, aipatu ditu Rober Gutierrezek, Bai Euskarari Ziurtagiriaren arduradunak.

Era berean, Bai Euskarari Ziurtagiria Euskal Herriko hainbat herritan zabaldu du Kontseiluak, oraingoz 764 agiri banatu dituelarik. Esate baterako, Arabako Agurain eta Amurrion, Bizkaiko, Basaurin eta Lea-Artibain, Gipuzkoako Donostia eta Soraluze, Lapurdiko Azkainen eta Ezpeletan eta Nafarroako Bortzirietan eta Baztanen. Balorazioan ez dugu bakarrik kontuan izan Ziurtagiriaren kopuruaren hazkundea, Euskal Herri guztian izatea bera ere oso garrantzitsua da, esan du arduradunak.

Bai Euskarari Ziurtagiriak jarraituko du bere ibilbidea, 2006an Bai Euskarari Ziurtagiriaren bidez arlo sozioekonomikoak aurrera egiten jarraituko du, bukatu du arduradunak. Bai Euskarari Ziurtagiriari buruzko informazio gehiago jasotzeko bidea ere zehaztu dute Kontseiluko ordezkariek: www.baieuskarari.org.


443 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin