Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gure Irratia eta UKBERII.NET euskarazko komunikabideeen aldeko jaia izango da ostiralean Erromoko gaztetxean


2006-12-13 17:20

BILBO, 13 (EUROPA PRESS)

Gure Irratia eta UKBERRI.NET euskarazko komunikabideen aldeko Adieraz zaitez! jaialdia izango da ostiral honetan Itzubaltzeta Erromoko gaztetxean. UKBERRI.NETeko kazetariek antolatutako ekimenean, Bapo Morgan, Kuenta Atras eta Libertad Condicional musika taldeek, UKTEST txalapartarien elkarteak, Algortako Bertsolari Eskolako (ALBE) hainbat kidek eta DJ Bull dj gipuzkoarrak hartuko dute parte, Uribe Kostako hedabide digitalaren eta Lapurdiko irratiaren aldeko diru bilketan laguntzeko.

Antolakuntzako iturriek iragarri dutenez, festa arratsaldeko 19,00etatik aurrera izango da, eta bertan aterako den dirua, irailaren bukaeran hainbat ezezagunek era susmagarrian UKBERRI.NETeko erredakzioan lapurtutako materiala ordezkatzera eta Gure Irratiaren estudioan sute batek sortutako kalteak konpontzen laguntzera bideratuko da. Era berean, Uribe Kostako egunkari digital euskaldunak bazkidetza kanpaina berri bat abiatu eta datorren erronkak jendaurrean azalduko ditu.

Adieraz zaitez! goiburuaren bidez antolatzaileek nabarmendu nahi izan dute komunikabide euskaldun horietan, irakurri edo entzuteaz gain, entzuleak edo irakurleak aktiboki jokatzen duela.

Hasteko, euskaldun gisa agertzen delako eta egunero edo aldiro jarrera hori elikatzen duelako hain erdaldunduak diren zonaldetan. Era berean, bertsio ofizialetik aparte bilatzen duelako informazioa eta, azkenik, hedabide arruntetan ez bezala, komunikabide hauetan zuzenean parte har dezakeelako, bai informazioa bidaliz, bai kritikak eginez eta baita ere proiektuaren kidea izanez eta komunikabidearen norabidea zuzenduz, azaldu dute.

Hasieran, UKBERRI.NETeko kideek komunikabide horretatik lapurtutako materiala ordezkatzeko antolatu zuten jaialdia, baina Gure Irratiak bederatzi hilabeteko diru bilketaren ostean abenduaren 5ean izandako sute baten ondorioz berriro ere estudio gabe egongo zela jakitean argi ikusi zuten Gure Irratiaren proiektua bat datorrela Adieraz zaitez! kanpainaren filosofiarekin eta hori dela eta Baionako irratira bideratuko dute jaialdiak sortuko duen diruaren herena.

Irailaren 28an Guardia Zibileko agente batzuek mehatxatu eta hurrengo egunetan gure argazki artxiboa, ordenagailua, disko gogorra eta argazki kamera era susmagarrian inkontrolatu ezezagun batzuek lapurtu zigutenetik, elkartasuna baino ez dugu jaso ia leku guztietatik, adierazi dute.

Adieraz zaitez! jaialdiko egitarauari dagokionez, 19,00etan bertso saioa izango da, Ilargi Zuazua (Sopela) eta Galder Bilbao

Txapi (Algorta) bertsolariekin. Gai jartzailea Nahikari Ayo izango da.

Ondoren, txalaparta festa izango da, Uribe Kostan Txalaparta Ekimenetarako Sustapen Taldearen (UKTEST) eskutik. UKBERRI.NETeko erronka berrien aurkezpena eta Gure Irratiari buruzko azken informazioak jakinaraziko dira gero.

Kuenta Atras (Algorta), Libertad Condicional (Berango,

Algorta eta Urduliz) eta Bapo Morgan (Erandio) musika taldeen kontzertuarekin eta DJ Bullen dj festarekin bukatuko da ostiraleko jaialdia.


321 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin