Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gurasoei eraso eta mehatxuak egiteagatik atxilotua Gasteizen 40 urteko gizon bat


2006-02-15 14:01



GASTEIZ, 15 (EUROPA PRESS)

Gasteizko Ertzainetxeko agenteek 40 urteko gizonezko bat atzeman zuten atzo gauean, familiartean tratu txarrak emateko delitua egotzita. Akusatuak gurasoei hiltzeko mehatxua egin eta eraso zien, familiaren etxean, Euskal Poliziak ohar batean jakinarazten duenaren arabera.

Gertaerak atzo gauean jazo ziren, 22,20ak aldera, Arabako hiriburuan. Ertzaintzaren patruila bat Urbasa Mendiaren kalera joan zen; senarrari eta berari semeak eraso ziela eta, emakume batek Poliziaren laguntza eskatu zuen. Andreak telefono mugikor batetik egin zuen deia, bizilagunaren etxetik, hara babestera joan ostean.

Agenteak bertaratu eta kalean patruilaren zain zegoen biktimarekin harremanetan jarri ziren. Ertzainei esan zienez, semea gurasoen etxera iritsi eta mehatxuka eta irainka hasi zitzaien. Semearen ezohiko jarrera erasokorra ikusita, emakumea etxetik irten eta bizilagun baten etxean babestu zen. Senarra (gaixo) etxean geratu zenez, ordea, hilko zuen beldur zen andrea.

Jarraian, etxetik zetozen garrasiak entzun zituzten agenteek. Emakumeak ez zuen giltzarik eta, inork ez zienez atea zabaltzen, agenteek bota egin behar izan zuten etxera sartzeko. Barruan, geletako batean, aita eta semea eztadaidan ari zirela ikusi zuten ertzainek, eta banandu egin zituzten. Halaber, hormetan, semeak botatako janari arrastoak zeudela ikusi zuten.

Irainak eta heriotza mehatxuak jaso zituztela esan zuen emakumeak eta bizilagunak hori egiaztatu zuen; horrez gain, semeak gurasoak oso bortizki iraintzea eta mehatxatzea ohikoa zela adierazi zuen.

Horren guztiaren ondorioz, ertzainek A.E.G. Bilboko 40 urteko bizilaguna atxilotu zuten, familiartean tratu txarrak ematea leporatuta.


340 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin