Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Guggenheim Bilbao Museoak irailaren 10a arte luzatuko du Errusia! erakusketa


2006-08-11 17:31

BILBO, 11 (EUROPA PRESS)

Irailaren 3an itxi beharrean, Guggenheim Bilbao Museoak irailaren 10ean itxiko du Errusia! erakusketa, atzerriko bisitarien artean eta bertako zein Estatuko publikoaren artean izan duen arrakasta dela-eta, museo bilbotarreko iturriek gaur adierazi dutenez.

Pasa den martxoaren 29an inauguratu zenetik, 435.000 pertsonek ikusi dute arte errusiarrari buruzko erakusketa hau, Errusiatik

kanpo inoiz egin den zabalena, alegia. Errusia! erakusketak oihartzun handia izan du hedabideetan eta goraipamen ugari jaso ditu

kritikari espezializatu eta bisitarien aldetik.

Izan ere, aurten %17ko igoera egon da bisitarien kopuruan 2005eko aldi bereko bisitariekin alderatuz gero, Guggenheim Bilbao Museoak

Azteken inperioa erakusgai zuenean. Uztaila soilik hartuta, %6ko igoera antzeman da museoa bisitatu duten pertsonen kopuruan aurreko

urtearekin konparatuz.

BBVA eta Iberdrola babesle dituen Errusia!erakusketak 300 objektu baino gehiago aurkezten ditu, horien artean arte errusiarraren artelan handiak: hasi XIII. mendetik eta gaur egunera artekoak; XIX. mendeko errealismo kritikoa eta aro komunistako Errealismo Sozialista; paisaia mendeetan zehar; abstrakzio aurrendaria; eta gaur egungo arte esperimentala.


207 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin