Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Guggenheim Bilbao Museoak eta Madrilgo Escuela de Escritores-ek Afrika kontu-kontari ipuin lehiaketa antolatu dute


2006-10-31 13:34

BILBO, 31 (EUROPA PRESS)

Guggenheim Bilbao Museoak eta Madrilgo Escuela de Escritores literatur zentroak Afrika kontu-kontari kontakizun laburren lehiaketa antolatu dute. Sariketaren helburua da jendeak artea bere literaltasun horretatik bestela behatzera bultzatzea eta esanahi berriak eta sormen artistikorako oldarra aurkitzea.

Lehiaketako parte-hartzaileek Museoak eta %100 Afrika erakusketaren komisarioak hautatutako bost artelanen artean bat aukeratu eta horretan oinarritutako kontakizun bat aurkeztu beharko dute, pinakoteka bilbotarreko iturriek jakinarazi dutenez.

Epaimahaiak --artearen eta literaturaren alorrean ezagunak diren pertsonek osatua--, egileek testuak eta inspirazio iturritzat

hautatutako artelanak elkar aberasteko erakusten duten gaitasuna aintzat hartuko du kontakizunak aukeratzeko garaian. Lehiaketan bi kategoria egongo dira --gaztelania eta euskara--, eta irabazleek Valentziako Miquel Navarro artistak sortutako Ertzak (Esquinas, 2003) eskultura-edizioko ale bat jasoko dute saritzat.

Javier Sagarna Madrilgo Escuela de Escritores literatur zentroaren zuzendariak adierazi duenez, ekimen honen bidez antolatzaileek hausnartu nahi dutena da margolan batek erakusten duenaz haraindi ikusteko gai al garen. Arteak sormen artistikorako oldarra pizte al du? Uste dugu lehiaketa honen emaitzek galdera hauen erantzuna argitzeko balio izan dezaketela, azaldu du.

Guggenheim Bilbao Museoak bisitaria zirikatzeko erronka hartu du, literaturaren mundua artea bide dela esploratzeko gonbitea luzatuz. Horretarako, %100 Afrika erakusketako bost artelan proposatu ditu inspirazio iturritzat, sormen artistikoaren esanahiak eta baloreak azpimarratuko dituen kontakizun bat idazteko.

Gaztelaniazko nahiz euskarazko kategorietako jatorrizko idazlanak aurkezteko epea abenduaren 17ko gauerdian amaituko da. Ordura arte, parte-hartzaileek www.escueladeescritores.com webgunean lehiaketaren oinarriekin batera dagoen inprimaki-eremua erabiliz aurkeztu ditzakete kontakizunak.

2007ko urtarrilaren 31n, %100 Afrika erakusketa itxi baino egun batzuk lehenago, epaimahaiak irabazleen izenak ezagutzera emango ditu Guggenheim Bilbao Museoan antolatuko den ekitaldi batean.

Antolatzaileen ideia da edozein egilek lehiaketan parte hartzeko aukera izatea. Hori dela eta, inspirazio iturritzat hartzeko hautatu diren artelanen irudiak Guggenheim Bilbao Museoko web atarian ikusi ahal izango dira horretarako propio sortu den orri batean (www.guggenheim-bilbao.es).

Hala eta guztiz ere, horietako artelan bat Guggenheim Bilbao Museoak aurkezten duen erakusketa-muntaian ikustea ezin ordezkatuko bizipena da eta biziki gomendatu die egile guztiei museora

hurbiltzea erakusketa ezagutzera.

Javier Sagarnaren hitzetan, artelan batek zirrara sortzen du, iradokitzailea da, asaldatu egiten gaitu, bide berriak irekitzen ditu eta enigma bat planteatzen du. Kasu honetan idazleak argitu behar du

enigma hori.

Afrika kontu-kontari lehiaketa Guggenheim Bilbao Museoak %100 Afrika erakusketaren osagarri gisa 2006ko urriaren 12tik 2007ko otsailaren 18ra arte antolatuko dituen jardueretako bat da. Erakusketa honek Contemporary African Art Collection (C.A.A.C.) bilduma osatzen duten artelanen hautaketa bat aurkezten du Bilbon.

Bilduma pribatu hau Jean Pigozzi enpresaburu suitzarrak osatu du 1989. urtean hasita eta Sahara Azpiko herrialdetan bizi eta lan egiten duten artista afrikarren lanak biltzen ditu.


151 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin