Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizonezko bat hil da N-124 errepidean Bastida parean hiru ibilgailuk izandako istripu batean


2006-01-10 17:46

Lagun bat atxilotu du Ertzaintzak denda batean hiru praka pare osteagatik

GASTEIZ, 10 (EUROPA PRESS)

Gizonezko bat hil da gaur goizean Bastidan (Araba) N-124 errepidean hiru autok izandako zirkulazio-istripu bateanan. Beste bi pertsona zauritu dira eta ospitale ezberdinetara eraman dituzte, Herrizaingo Sailak prentsa-ohar bidez azaldu duenez.

Goizeko 10,45etan, Ford Transit furgoneta batek (Logroñon matrikulatutakoa), Volkswagen Caravelle batek (Gasteizko plakak zituena) eta Kia Sportage batek istripua izan dute N-124 errepidean, Bastida parean, Salinillas de Buradonerako saihesbidetik gertu.

Gizonezko bat bertan hil da eta beste bi lagunek zauriak jasan dituzte; bata Miranda de Ebroko Santiago Ospitalera eraman dute eta bestea, berriz, Logroñoko San Millan Ospitalera. Lehenengo datuen arabera, hildako laguna suhiltzaileek atera behar izan dute ibilgailutik, barruan harrapatuta geratu delako.

Hasiera batean, erreietako bat itxi dute, baina handik ordu erdira, galtzada osoa itxi behar izan dute, suhiltzaileek eta medikuek lan egin ahal izateko. Azkenik 11,55etan zabaldu dute errepidea berriro.



HIRU PRAKA LAPURTZEN BILBON

Ertzaintzak 21 urteko gizonezko bat atxilotua zuen atzo arratsaldean Bilbon, Bizkaiko hiriburuko erdigunean dagoen denda batean hiru praka pareren alarma manipulatu eta ostea leporatuta.

Atzo arratsaldeko 16,30ak aldera, herritarren segurtasuna bermatzeko lanean Moyua plazan zebilen Ertzaintzako errekurtso batek gazte bat ikusi zuen denda batetik korrika irteten eskuan poltsa bat zeukala. Agenteek gaztea ezagutu zuten beste hainbatetan atxilotuta egon delako, eta atzetik joan zitzaizkion delituren bat egin ote zuen argitzera.

Zenbait metro aurrerago atzeman zuten gaztea. Ustezko lapurrak hiru praka pare zeramatzan poltsan fakturarik gabe, eta agenteek egiaztatu zutenez, arropa haiek dendan ordaindu gabe zeuden. Halaber, establezimenduko jabeak agenteei jakinarazi zienez, ustezko lapurrak praken segurtasun sistema manipulatu eta dendan zeuden beste praka batzuen poltsikoetan gorde zuen.

Agenteak ohartu ziren gazteak emandako nortasun datuak ez zirela batere fidagarriak (O.K. zela eta 21 urte zeuzkala zioen) eta beste batzuetan identifikatzeko erabilitako datuekin bat egiten ez zutela ikusita, atxilotu egin zuten, ebasketa-falta leporatuta.


316 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin