Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizonezko bat heroina saltzen harrapatu dute Gasteizen


2006-09-04 11:37



GASTEIZ, 4 (EUROPA PRESS)

Gasteizko Ertzainetxeko agenteek J.M.J.R. (33 urte) atxilotu zuten atzo arratsaldean Arabako hiriburuan, droga trafikoaren delitua egotzita. Droga saltzen harrapatu zuen Ertzaintzak kalean, Herrizaingo Sailaren esanetan.

Atzo arratsaldeko 20,00etan, gizonezko bik dirua eta kolore zuriko bilgarri txiki bat elkar trukatzen zutela ikusi zuten euskal Poliziaren agenteek, hiriburu arabarreko Manuel Iradier kaletik segurtasun lanetan ari zirela. Droga saltzen ari zirelakoan, ertzainak hurreratu egin zitzaizkien.

Pertsona horiek, poliziak ikusi zituztenean, arineketan alde egiten saiatu ziren, baina harrapatu egin zituzten. Identifikatu ondoren, agenteek J.M.J.R. (beste lagunari bilgarria eman eta haren eskutik dirua jaso zuen trukean gizonezko horrek) atxilotu zuten, substantzia estupefazienteen trafiko delitua egotzita.

Pertsona horri bost gramo heroinaz betetako poltsatxo bat, haxix apur bat eta ustez drogen salerosketan lortutako seiehun euro kendu zizkioten. Oraingoz, beharrezko izapideak bukatu arte, Ertzainetxean dago atxilotua, eta ondorengo orduetan eramango dute epailearengana.


190 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin