Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat espetxeratu dute emakume bati Irunen (Gipuzkoa) bortxatzeagatik


2009-02-03 11:12

DONOSTIA, 3 (EUROPA PRESS)

Ertzaintzaren agenteek 23 urteko gizonezko bat atxilotu zuten joan den larunbat goizean Irunen (Gipuzkoa), emakumezko bati sexu-erasoa egiteagatik Irungo bertako etxebizitza batean. Epailearen esku utzi ostean, atxilotua espetxeratzeko agindua eman zuen epaileak atzo goizean, Eusko Jaurlaritzako Herrizaingo Sailak gaur jakinarazi duenez.

Joan den larunbatean, 10:00ak aldera, emakumezko bat Irungo Ertzainetxean agertu zen bortxaketa bat jasan zuela salatzeko. Gazteak salatu zuenez, gertakariak ordu batzuk lehenago jazo ziren Irungo etxebizitza batean, bertara gizonezko batekin joan zenean.

Dirudienez, etxean zeudela, gizonezkoak sexu-harremanak izatera behartu zuen emakumezkoa, bere borondatearen kontra eta, betiere, herio-mehatxuak eginda. Gainera, biktimak aurka egiten zionez, gizonezkoak aizto bat jarri zion lepoan hainbat momentutan.

Ertzaintzak dagokion ikerketa abiatu zuen bortxaketaren ustezko egilea identifikatzeko eta, pixka bat geroago, agenteek gizonezkoa atzeman zuten erasoa gertatu zen etxebizitza berean. 23 urteko gaztea atxilotu eta Ertzainetxera eraman zuten. Atzo goizean, susmagarria epailearen esku jarri zuten eta epaileak segituan espetxeratzeko agindua eman zuen.


370 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin