Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Zestoan bertako enpresa batean lapurtzen saiatzen ari zela harrapatu ondoren


2006-10-02 14:00

DONOSTIA, 2 (EUROPA PRESS)

Ertzaintzak gizon bat atxilotu du gaur goizaldean Zestoan, bertako enpresa batean lapurtzea egotzita. Eraikineko ate bat indarrez ireki ondoren, lapurtzen ari zenean harrapatu du patruila batek atxilotua. Ahuntz-hanka bat, hainbat erreminta eta lantegian lapurtutako kable elektrikoz betetako bi zaku aurkitu dituzte ertzainek lapurraren ibilgailuan.

Eusko Jaurlaritzako Herrizaingo Sailaren arabera, gaur goizaldeko 3,20an izan dira gertaerak Zestoako Argote auzoko enpresa batean. Langile batek Ertzaintzara deitu du, enpresako instalazioetan ustez lapurtzen ari zirela adierazteko.

Patruila bat bertaratutakoan, sarrerako ate bat indarrez irekita zegoela egiaztatu du; gainera, barnealdetik zetozen zaratak entzuten ziren. Agenteek lekua ikuskatu eta gizonezko bat (ertzainak ikusitakoan alde egiten saiatu da) aurkitu dute. Agenteek atxilotu egin dute, lapurreta egitea egotzita; izan ere, enpresako tiraderak eta armairuak manipulatuta zeuden.

Enpresaren inguruan atxilotuaren ibilgailua aurkitu dute agenteek. Ahuntz-hanka bat, hainbat erreminta (lapurreta egiteko ustez erabilitakoak) eta lantegian lapurtutako kable elektrikoz betetako bi zaku aurkitu dituzte ertzainek lapurren ibilgailuan.

Atxilotua R.V.I. da, 36 urte ditu eta Errenterian bizi da. Ertzainetxera eraman dute beharrezko izapideak egiteko, eta ondorengo orduetan geratuko da epailearen esku.


229 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin