Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Urnietan emaztea leihotik behera botatzen saiatzeagatik


2006-10-03 13:36

DONOSTIA, 3 (EUROPA PRESS)

Hernaniko Ertzainetxeko agenteek gizonezko bat atxilotu zuten atzo arratsaldean Urnietan, emaztea etxeko leihotik behera botatzen saiatu ondoren. Auzokide batzuei esker eman zuen amore erasotzaileak. Handik gutxira, patruila batek atxilotu egin zuen, turismo batean alde egiten ari zela, Eusko Jaurlaritzako Herrizaingo Sailak gaur jakinarazi duenez.

Emakumeen kontrako indarkeriaren kasu hau atzo arratsaldeko 15,50an jazo zen Urnietan. Herritar batzuek Ertzaintzari deitu zioten, gizon bat emaztea sukaldeko leihotik botatzen saiatu zela jakinarazteko. Deian adierazitakoaren arabera, bikotekidearekin liskarra izan ondoren, ustezko erasotzaileak emakumea oinetatik heldu eta leihoaren kanpoalderaino atera zuen. Une horretan, auzokide batek gizonezkoari egiten ari zena aurpegiratu zion eta gertatutakoa euskal Poliziari jakinarazi zion.

Patruila bat etxebizitzara joan eta biktimarekin harremanetan jarri zen, baina honek ez zuen salaketarik jarri nahi izan. Ertzainek ustezko erasotzaileari buruzko informazioa bildu zuten eta hura bilatzeari ekin zioten. Handik gutxira, ertzainek susmagarria aurkitu zuten etxebizitzatik gertu, turismo batean alde egiten ari zela.

Atxilotua, 27 urteko L.F.P. gizonezkoa, Poliziaren egoitzara eraman zuten han beharrezko izapideak egiteko eta, ondoren, epailearen esku uzteko.


209 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin