Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Tolosan emakume bat eta haren alde egin zuten bi gizonezko erasotzeagatik


2006-08-01 13:17

DONOSTIA, 1 (EUROPA PRESS)

Ertzaintzak 41 urteko P.R.C. gizonezkoa atxilotu zuen atzo eguerdian Tolosan, lesio delitua egotzita. Lagun horrek emakume bat jo zuen eta, ondoren, emakumea laguntzera joan ziren beste bi gizonezkori ere eraso egin zien.

Eusko Jaurlaritzako Herrizaingo Saileko iturriek gaur jakinarazi dutenez, atzo eguerdi aldera, Tolosako San Frantzisko ibiltokira joateko deia jaso zuen Ertzaintzak. Antza denez, gizonezko bat emakume bat jotzen eta labana batez mehatxatzen zegoen.

Bertaratu zirenean, emakume bat eta hiru gizonezko ikusi zituen Poliziak, eta gizonezkoetako batek portaera erasokorra zuen. Identifikatu eta gertatutakoa jakin ostean, P.R.C. (41 urtekoa) atxilotu zuten agenteek, lesio delitu baten ustezko egilea izateagatik.

Ertzainek jakin ahal izan zutenez, ezer esan gabe eta emakumea bere parean zegoenean, atxilotuak kolpe bat eman zion bularrean. Gertatutakoa ikusi zuten bi gizonezkok biktimaren alde egin zutenean, erasotzaileak labana atera eta eraso egin zien; beso batean eta hanka batean zauriak egin zizkien. Erasotzailea lehenago ere atxilotu dute bederatzi aldiz eta beharrezko izapideak amaitu ostean epailearen esku utzi dute.


242 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin