Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Ortuellan bi pertsona estilete batekin erasotzeagatik


2006-09-26 16:38

BILBO, 26 (EUROPA PRESS)

Muskizeko Ertzainetxeko agenteek J.F.B.B. Balmasedako 34 urteko gizonezkoa atxilotu zuten atzo goizaldean Ortuellan, arma zuriz egindako eraso delitua leporatuta. Irailaren 10etik ari ziren haren bila Ertzaintzaren agenteak, Bilboko Arrikibar plazako taberna batean gizon bi estilete batez erasotzeagatik.

Eusko Jaurlaritzako Herrizaingo Sailak gaur jakinarazi duenez, atxiloketa atzo goizaldeko 1,20an egin zuten Ortuellako Urioste industrialdean. Furgoneta baten barruan zeuden lagun batzuek jarrera susmagarria zutela ikusi zuen patruila batek enpresa batetik gertu. Ibilgailuan zihoazen pertsonak identifikatzean, horietako bati arma zuriz egindako eraso delitua leporatzen zitzaiola egiaztatu zuten agenteek. Hori dela eta, atxilotu egin zuten.

Atxilotuari egozten zaion erasoa irailaren 10ean jazo zen Bilboko Arrikibar plazako taberna batean. Gizonezko bi zauritu ziren, bata toraxean eta bestea bularrean eta bizkarrean, lokalaren barruan izandako liskar batean pertsona batek eraso ondoren. Hartutako lesioak (antza, estilete batez egindakoak) zirela eta, ospitale batera eraman behar izan zituzten biktimak.

Gertakarien berri jasota, Ertzaintzak ikerketa jarri zuen martxan susmagarria aurkitzeko, eta, horri esker, ustezko erasotzailea identifikatu ahal izan zuten. Azkenean, astelehen goizaldean atxilotu zuten. Atxilotua, J.L.B.B. Balmasedako 34 urteko gizonezkoa, Poliziaren egoitzara eraman zuten han beharrezko izapideak egiteko eta, ondoren, epailearen esku uzteko.


254 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin