Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Oiartzunen (Gipuzkoa) gai sorgorgarriekin trafikatzea leporatuta


2009-02-09 15:00

DONOSTIA, 9 (EUROPA PRESS)

Ertzaintzaren agenteek gizon bat atxilotu zuten atzo Oiartzunen (Gipuzkoa), gai sorgorgarriekin trafikatzea egotzita. Diskoteka baten inguruetan atxilotu zuten, agenteak pertsona batzuk identifikatzen ari zirenean. Ertzainek kokainaz beteriko hiru poltsa eta 730 euro billetetan (ustez, drogaren salmentatik lortutakoak) atzeman zizkioten, Herrizaingo Sailak gaur jakinarazi duenez.

Gertakaria atzo goizean jazo zen, 7:10ean, Oiartzungo diskoteka baten inguruetan. Lokaleko segurtasun zaindariek ertzainak bidaltzeko eskatu zuten, pertsona talde bat bezero baten zain zegoelako, ustez, hura jotzeko.

Agenteak pertsona horiek identifikatzen hasi ziren eta lagunetako batek hauts zuri batez beteriko poltsa bat eta billetetan 730 euro zeramatzala egiaztatu ahal izan zuten. Substantzia kokaina izan ahal zela iritzita, agenteek gizonezkoa miatu zuten eta substantzia bereko bi poltsa gehiago atzeman zizkioten oinetakoetan ezkutatuta.

Ebidentzia horien aurrean, ertzainek gaztea atxilotu zuten droga trafikoaren delitu bat egin izana egotzita. Atxilotua (24 urte) polizia egoitza batera eraman zuten eginbideak burutzeko eta, ondoren, epailearen esku jartzeko.


454 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin