Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Mundakan emakume bati eraso egin eta uretara botatzen saiatzeagatik


2006-10-05 13:25

BILBO, 5 (EUROPA PRESS)

Gernikako Ertzainetxeko agenteek gizonezko bat atxilotu zuten atzo arratsaldean Mundakan, lesioen eta mehatxuen delitu bat egotzita. Atxilotuak emakume bati eraso egin zion eta uretara botatzen saiatu zen. Gainera, biktimaren lagun bat mailu batez jo zuen laguntzera joan zenean, Eusko Jaurlaritzako Herrizaingo Sailak gaur jakinarazi duenez.

Gertaera atzo arratsaldeko 14,50ean jazo zen Mundakako portuan. Biktimetako batek adierazitakoaren arabera, emakumea kaitik zihoan bere txakurrarekin, eta han zeuden ahate batzuengana joan zen animalia. Txakurraren ekintza horrek gizon bat gogaitu zuen eta jabeari txakurraren jarrera aurpegiratu zion. Eztabaidatu ondoren, gizonezkoak emakumeari eraso zion eta, samatik helduta, uretara botatzen saiatu zen.

Kaitik zihoazen hiru herritarrek biktimari lagundu zioten eta erasotzaileak askatzea lortu zuten. Emakumeak handik alde egin zuen, baina erasotzaileak jarraitu egin zion eta labana batez mehatxatu zuen. Biktimaren lagun bat harekin gurutzatu zen eta laguntzera joan zitzaion, eta gizonak mailu batez jo zuen. Azkenik, emakumeak eta haren lagunak aterpetxe batean babestea lortu zuten, eta Ertzaintzari jakinarazi zioten jazotakoa.

Erasotzaileak alde egin zuen, baina, handik gutxira, karabina batekin (toalla batean bilduta zeraman) itzuli zen eta biktimei heriotza-mehatxuak egin zizkien harekin. Handik minutu batzuetara, euskal poliziaren patruila bat aterpetxera joan zen eta erasotzailearen bila hasi zen; herriko lonja batean aurkitu zuten.

Susmagarria atxilotu zuten eta mailu bat eta aire konprimatuko karabina bat atzeman zituzten agenteek. Antza, horiek erabilita egin zizkien biktimei erasoa eta mehatxuak. Atxilotua, 68 urteko A.D.A. gizonezkoa, poliziaren egoitzara eraman zuten beharrezko izapideak egiteko eta, ondoren, epailearen esku uzteko.


250 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin