Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Lekeition Ondarroako Portutik ontzi bat lapurtzeagatik


2009-02-06 16:42

BILBO, 6 (EUROPA PRESS)

Ertzaintzaren agenteek 26 urteko gizonezko bat atxilotu zuten atzo goizean Lekeition (Bizkaia) lapurreta delitu bat leporatuta. Atxilotuak, Ondarroako Portuan (Bizkaia) zegoen ontzi bateko kabinako sarrera indarra erabilita ireki, ontzia martxan jarri eta Lekeitioko portura eraman omen zuen, Eusko Jaurlaritzako Herrizaingo Sailak gaur jakinarazi duenez.

Atzoko 7:00ak aldera gizonezko batek Ertzaintzari dei egin zion Ondarroako Portutik ostutako ontzi bat Lekeition porturatu berri zutela jakinarazteko. Berehala, Ertzaintzako patruila bi bertaratu ziren eta portuko arduradunekin eta ontziaren jabearekin harremanetan jarri ziren. Azken hau ere Lekeitioko portura bertaratu zen minutu gutxitan.

Ontzia -15 metroko luzera eta 4 metroko zabalera duen legatz-ontzi bat- egoki porturatuta zegoela egiaztatu zuten agenteek; motorra piztuta zuen eta ustezko lapurra ontzi barruan zegoen.

Agenteek ontzitik jaisteko eskatu zioten gizonezkoari eta honek, kasu egin zien berehala. Ontzian zer egiten zuen eta Ondarroako Portutik zergatik eraman zuen galdetu ziotenean, susmagarriak ez zien zentzuzko erantzunik eman.

Era berean, jabea eta zenbait agente barrura sartu ziren ontziaren egoera egiaztatzeko. Sarrerako giltzarrapoa indarra erabiliz ireki zuten eta barruko hainbat atek kalteak zituzten. Hau guztia ikusita, ertzainek ustezko lapurra (26 urteko gizonezkoa) atxilotu zuten jabetzaren aurkako delitu bat leporatuta eta Ertzaintzaren egoitzara eraman zuten.


474 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin