Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Legutianon bere ibilgailuan matrikula faltsua erabiltzeagatik


2006-12-05 11:58

GASTEIZ, 5 (EUROPA PRESS)

Ertzaintzak gizonezko bat atxilotu du gaur goizaldean Legutianon, matrikula plakak faltsutzeko delitu baten ustezko egilea delakoan. Auto baten matrikula plakak zeuzkan 4x4 motako ibilgailu bat zeraman atxilotuak, Eusko Jaurlaritzako Herrizaingo Saileko iturriek jakinarazi dutenez.

Gaur goizaldeko 1,00ak jo eta minutu batzuetara, Legutiano inguruan zaintza lanetan ari ziren euskal Poliziako agente batzuek ibilgailu bat ikusi dute. Industrialde batera sartzen saiatzen ari zen, baina, poliziak ikustean, gidaria tokitik berehala ihes egiten saiatu da.

Ertzainek geldiarazi egin dute eta ibilgailuko (Hyundai Santa Fe bat) matrikula plakak Opel Astra auto bati zegozkiola egiaztatu dute. Halaber, gidaria (V.H.V.G. 39 urteko gizonezkoa) ez die agenteei lurrorotako ibilgailuaren inolako dokumenturik aurkeztu. Beraz, ertzainek gizonezkoa atxilotu dute, matrikula plakak faltsutzeko delitu baten ustezko egilea izatea egotzita.

Gainera, ibilgailuaren bastidore zenbakia aldatzen ere saiatu omen zen eta auto baten giltza batzuk zeuzkan, ustez, aipatutako Opel Astrarenak. Gero egindako ikerketeei esker, Hyundai 4x4 motako ibilgailua duela egun batzuk lapurtu zutela jakin zuten.

Oraingoz, dagozkion eginbideak amaitu arte, atxilotutakoa Ertzaintzaren egoitza batean dago, hurrengo orduetan epailearen aurrera eramateko zain.


219 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin