Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Gasteizen golf eskola bateko bulegoan lapurtzeagatik


2006-08-21 16:56



GASTEIZ, 21 (EUROPA PRESS)

Gasteizko Ertzainetxeko agenteek, JL.L.C. (35 urteko gizonezkoa eta Gasteizko bizilaguna) atxilotu dute gaur goizaldean hiriko golf eskola bateko bulegoan egindako lapurretan ustez nahasita egoteagatik. Ondoren, kirol-instalaziotik hurbil dagoen zerbitzugune batean kristal bat hausten saiatu denean aurkitu dute.

Ertzaintzaren arabera, gaur goizaldeko 1,30ak igarota, Santa Teresan, Seminariotik hurbil dagoen golf eskolaren alarmaren aktibazioaren berri izan du Ertzaintzak. Tokira bertaratu diren ertzainek bulegoko barrualdea nahasita egoteaz gain, leiho bat hautsita eta odol arrastoak zituela egiaztatu dute.

Momentu horretatik aurrera, beste patruila batzuek inguruak ikuskatu, eta, gizonezko bat aurkitu dute hurbileko gasolindegi bateko atzealdean sareta batekin leiho bateko beiratea apurtzen, ustez, barrura sartzeko.

Gizonezkoak eskularru batekin (golf zelaikoa zela zehaztu dute) estalita zuen esku batean zauria zuela egiaztatu ondoren, atxilotuta eraman dute polizia-etxera, ustez bi gertakarietan nahasita egoteagatik.

Gainera, ustez jatorri ez zilegiko ia ehun eta hogei euro konfiskatu dizkiote. Gaur eguerdian, eginbide polizialak bukatutakoan, aurretiaz hamasei aldiz atxilotua izan den gizonezkoa (gehienbat jabetzaren kontrako delituengatik) epailearen aurrera eraman dute.


182 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin