Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Errenterian (Gipuzkoa) okindegi batean lapurtzea egotzita


2009-01-12 17:03

DONOSTIA, 12 (EUROPA PRESS)

Ertzaintzaren agenteek 31 urteko gizon bat atxilotu dute gaur goizaldean Errenterian (Gipuzkoa), bertako okindegi batean lapurtzea egotzita, Eusko Jaurlaritzako Herrizaingo Saileko iturriek jakinarazi dutenez.

Gertakariak 4:30etan jazo dira, Errenterian. Ordu horretan, Ertzaintzaren patruila bat herriko okindegi batean bertaratzeko eskatu dute, antza, pertsona bat denda barrura sartu baita. Agenteak saltokira joan dira berehala eta kristalezko sarrera atearen zati bat hautsita eta barrualdea nahasita zeudela egiaztatu dute.

Jarraian, ertzainek saltoki barruan miaketa egin eta gizon bat aurkitu dute lokaleko komunean ezkutatuta. Hortaz, susmagarria (31 urteko gizonezkoa) atxilotu dute.

Ondoren egiaztatu ahal izan dutenez, atxilotuak txanponetan 90 euro ostu ditu kutxa erregistratzailetik eta, gainera, kalteak eragin ditu dendako salgaietan.

Okindegiaren kanpoaldea miatu ostean, ertzainek plastikozko poltsa bat aurkitu dute saltokiko sarrera atearen aldamenean. Poltsan, txanponak eta, dirudienez, berria den arropa aurkitu dute, ustez, sarrera ateko kristalaren beheko aldea hautsita zuen gertuko saltoki batetik ostutakoa. Atxilotua (aurrez 11 aldiz atxilotu egin dute) epailearen esku jarriko dute egunean zehar, Donostiako Guardiako Epaitegian.


235 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin