Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Donostian masajeak hartzeko eta erlaxatzeko etxen batean indarkeriaz lapurtzeagatik


2006-11-10 14:09

DONOSTIA, 10 (EUROPA PRESS)

Donostiako Ertzainetxeko agenteek 24 urteko lagun bat atxilotu zuten atzo Gipuzkoako hiriburuan, masajeak hartzeko eta erlaxatzeko etxe batean indarkeriaz ostu izana egotzita, Eusko Jaurlaritzako Herrizaingo Sailak gaur jakinarazi duenez.

Gertaerak urriaren 28ko arratsaldean hasi ziren, emakume batek indarkeriaz eta larderiaz egindako lapurreta Poliziaren egoitzan salatu zuenean. Aurreko egunean jazo zen lapurreta, emakumeak zuzentzen duen masajeak hartzeko eta erlaxatzeko etxean.

Jakin dutenez, aurretiaz telefonoz hitzordua eskatu zuten bi lagun masaje etxean sartu ziren pistola eta labana batekin eta, bertako arduraduna eta beste bi emakume jo eta lotu ostean, kutxa gotor bat ostu zuten (3.000 euro, lau sakelako telefono eta bitxiak zituen barruan).

Ertzaintzak egindako ikerketei esker, bi susmagarri Donostiako Isabel II.aren hiribidea kaleko etxebizitza batean zeudela jakin zuten. Ertzaintzako agenteak berehala bertaratu ziren eta, etxea zaintzeko operazioa martxan jarri ondoren, ordu bat geroago aurkitu eta atxilotu zituzten.

Polizia eginbideak bukatutakoan, bietako bat askatu zuten ikertzen ari ziren lapurretarekin harremanik ez zuela egiaztatu ostean. Bestalde, A.R.R. (24 urtekoa) Donostiako Guardiako Epaitegiaren esku utziko dute gaur.

Ertzaintzak jakin duenez, lokalean zeudenean, lapurretako bat arduradunari oldartu zitzaion eta indarrez heldu zion dirua non gordetzen zuen esateko. Ondoren, kutxa gotorra aurkitu zuen lapurrak. Kutxa barruan diru kopuru handia, 1.300 euro baino gehiagoko balioa duten bitxiak eta lau sakelako telefono zeuden. Dirua lortutakoan, lapurrek handik ihes egin zuten, bertako arduraduna lotuta utzita.

Jabearen deia jaso ostean bertaratu ziren agenteek berehala anbulantzia bat ohartarazi zuten. Saihetsean kolpe gogorra jaso zuen emakumea han artatu zuten eta ez zen beharrezkoa izan ospitalera eramatea.


197 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin