Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Donostian bere autoan kilo bat haxix, 150 gramo speed eta marihuana zeramatzala


2009-01-22 12:59

DONOSTIA, 22 (EUROPA PRESS)

Ertzaintzaren Gipuzkoako Trafiko Unitateko agenteek 31 urteko gizon bat atxilotu zuten asteartean Donostian, ustez osasun publikoaren aurkako delitu bat (droga trafikoa) egin izana egotzita. Ertzainek kilo bat haxix, 150 gramo speed eta marihuana atzeman zituzten atxilotua zihoan autoan. Atzo epailearen aurrean agertu zen eta Martuteneko kartzelan espetxeratzea agindu zuen epaileak.

Eusko Jaurlaritzako Herrizaingo Sailak gaur jakinarazi duenez, Ertzaintzaren Trafikoko agenteek atxilotuaren ibilgailua dokumentazio kontrol batean geldiarazi zuten asteartean, 13:00ak aldera, Belartzako biribilgunean, Donostian.

Gidaria identifikatu zutenean, agenteak auto barruan marihuana usaina zegoela konturatu ziren; hortaz, droga kontrol bat egin zioten eta positibo eman zuen kanabis eta anfetamina kontsumoan. Jarraian, ertzainek miaketa egin zuten auto barruan, gidariaren onespenarekin, eta pakete bat eta tabletak (ustez, kilo bat haxix inguru) zituen kutxa bat aurkitu zuten lurrean.

Gainera, gidariaren eserlekuaren azpian, 150 gramo anfetamina (speed) zituen poltsa bat zegoen, eta, aurreko eserlekuen artean, landare substantzia bat (ustez marihuana) zeukaten poltsa bi eta gai horretarako birrintzaile bat aurkitu zituzten agenteek.

Ertzainek gai horiek atzeman zituzten eta gizonezkoa atxilotu zuten droga trafikoaren delitu bat egotzita. Atxilotuak 600 euro eta oharrak jasota zituen agenda bat zeramatzan aldean.


347 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin