Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Bilbopn sakeleko telefonoak saltzeko denda batean 46 telefono eta 800 euro lapurtzeagatik


2009-01-21 12:48

BILBO, 21 (EUROPA PRESS)

Ertzaintzaren agenteek 26 urteko gizon bat atxilotu zuten atzo goizean Bilbon, ustez indarkeriaz egindako lapurreta batean nahasita egoteagatik, Eusko Jaurlaritzako Herrizaingo Saileko iturriek gaur jakinarazi dutenez.

Iazko abuztuaren amaieran, sakeleko telefonoak saltzen dituen Deustuko denda bateko arduradunek goizaldean lapurreta egin zietela salatu zuten Ertzaintzaren aurrean. Dirudienez, dendako bi kristalak hautsi eta sakeleko 46 telefono, telefonoa kargatzeko kupoi ugari eta 800 euro inguru dirutan ostu zituzten.

Gertakariaz jabetu ostean, Ertzaintzak dagokion ikerketa abiatu eta 26 urteko gizon bat identifikatu zuen, ustez salatutako gertakarian nahasita egoteagatik. Hortaz, beharrezko egiaztapenak egin ostean, atzo goizean susmagarria atxilotu zuten, indarkeriaz egindako lapurretaren delitu baten ustezko egilea izatea egotzita.

Atxilotua (polizia aurrekariak ditu) polizia egoitza batera eraman zuten dagozkion eginbideak burutzeko eta, aurki, Agintaritza Judizialaren esku jarriko dute.

Bestalde, atzo eguerdian, 12:30ak jota zirenean, Bilboko Botikazar Erribera kaletik agenteak bidaltzeko eskatu zuten, jakinarazi zutenaren arabera, obratan dauden toki batean lapurtzen harrapatu zuten gizon gazte bat atxikita baitzuten.

Dirudienez, gizonezkoa kamioi baten kabinatik motxila bat osten saiatu zen, eta, ibilgailuaren jabea konturatu eta lapurreta saihesten saiatu zenean, susmagarriak poltsikotik kuter bat atera eta biktimaren sabelaldean jarri zuen. Azkenean, salatzaileak gizonezkoa geldiaraztea lortu zuen, gertakariaren lekuko ziren langile batzuen laguntzarekin, eta, denen artean, gaztea atxiki egin zuten Ertzaintza heldu arte.

Lekuko ezberdinek bertaratutako ertzainei jakinarazi zietenez, lapurretaren unean susmagarria beste gizon batekin zegoen, baina azken honek alde egitea lortu zuen. Agenteek atzemandako gaztea (18 urteko gizonezko bat) identifikatu eta atxilotu zuten, eta, ondoren, Ertzaintzaren egoitza batera eraman zuten.


222 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin