Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Bilbon enpresa batean kobrea lapurtzeagatik


2006-08-04 13:06

BILBO, 4 (EUROPA PRESS)

Ertzaintzak 28 urteko E.B.E. gizonezkoa atxilotu zuen atzo arratsaldean Bilbon, enpresa batean kobrezko materiala lapurtzea leporatuta. Lantegiko segurtasun-langileak harrapatu zuen, osten ari zela, Eusko Jaurlaritzako Herrizaingo Sailak gaur jakinarazi duenez.

Atzo arratsaldeko 16,00 aldera, euskal Poliziaren agenteak Bolueta auzo bilbotarreko Santa Ana industrialdera joan ziren, bertako lantegi bateko segurtasun-langileak hala eskatuta; izan ere, gizonezko bat harrapatu berri zuen enpresan materiala lapurtzen.

Langileak esan zienez, lapurrak Citroën Jumper furgoneta batean alde egin zuen handik eta ibilgailu hori enpresatik gertu aurkitu zuten ertzainek geroago. Gidaria identifikatu eta jazotakoa egiaztatu ondoren, E.B.E. atxilotu zuten agenteek, lapurreta delitua egotzita.

Lantegia inguratzen duen hesiaren gainetik salto egin zuen atxilotutakoak, bertatik kobrezko hodiak hartzeko. Une horretan, zaindariak harrapatu zuen. Segurtasuneko langilea han zegoela ohartuta, lapurrak bere helburua lortu gabe alde egin zuen. Ertzainek egiaztatu ahal izan zutenez, aurreko arratsaldean ehun kilo kobre ostu zituen gizon horrek enpresa berean.

Aurretik ere beste 25 aldiz atxilotu dute gizona. Ertzaintzaren egoitzan dago, epailearen aurrera noiz eramango duten zain eta beharrezko izapideak amaitu bitartean.


174 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin