Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Bilbon borroka batean beste pertsona bati arma zuri batekin erasotzeagatik


2009-01-23 18:28

BILBO, 23 (EUROPA PRESS)

Ertzaintzaren agenteek 54 urteko gizonezko bat atxilotu zuten atzo arratsaldean Bilbon, kale erdian jazotako liskar batek eragindako borrokan beste pertsona bati arma zuriz eraso egin izana leporatuta. Biktimak hainbat zauri zituen eskuan eta ospitalera eraman zuten, Eusko Jaurlaritzako Herrizaingo Sailak gaur jakinarazi duenez.

Atzo arratsaldean, 17:00ak izateko minutu eskas falta zirela, Bilboko erdigunean dagoen saltoki baten aurrean hasi zen guztia. Inguruetatik zebiltzan Ertzaintzaren agente batzuek hainbat pertsonen arteko liskarra ikusi zuten. Ertzainak hurbildu zirenean, bi pertsona borrokan aurkitu zituzten; batek eskuartean bi kuter zeramatzan eta beste gizonezkoak eskuetan zauriak zituen.

Ertzainek bi gizonezkoak banatu eta identifikatu zituzten; ostean, aipatutako arma zuriak zeramatzan gizonezkoa atxilotu zuten. Bitartean, zaurituarentzat anbulantzia bat etorrarazi zuten agenteek Basurtuko Ospitalera eraman zezaten, hainbat ebaki baitzituen eskumako eskuan. Bestalde, bai erasotzaileak eta baita biktimarekin zegoen emakumezko batek ere, hainbat ubeldura jasan zituzten borrokaldian parte hartu izanagatik.

Aurrekari polizialak dituen atxilotua Bilboko Ertzainetxera eraman zuten eta datozen orduotan, beharrezko izapide polizialak bukatu bezain pronto, Guardiako Epailearen aurrean aurkeztu beharko da.


384 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin