Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Bilbon beste bati lapurtzeko erasotzeagatik eta indetifikatu nahi ez izateagatik


2006-11-06 13:01

BILBO, 6 (EUROPA PRESS)

Ertzaintzak gizonezko bat atxilotu zuten atzo Bilbon indarkeria erabilita lapurreta egitea egotzita eta desobedientzia delituagatik, ez baitzuen identifikatu nahi izan. Diru-zorroa osteko beste gizonezko bati ustez eraso egin zion susmagarriak Bilboko Kasilda Iturrizar parkean, baina azkenean ez zuen bere nahia lortu, Eusko Jaurlaritzako Herrizaingo Sailak jakinarazi duenez.

Gertaerak atzo arratsaldeko 14,00ak jotzeko zeudela jazo ziren. Kasilda Iturrizar parkean, Sheraton hotelaren inguruan, lapurreta bat gertatu zela esaten zuten hainbat dei jaso zituen Ertzaintzak. Gizon gazte batek adineko gizonezko bat jo zuen, lapurtzeko, eta, helburua ez zuenez lortu, Euskalduna Jauregirantz korrika ihes egin zuen.

Handik gutxira, patruila bat lapurreta izan zen lekura joan zen, biktima eta lekukoekin hitz egitera, eta beste patruila bat Itsas Museorantz abiatu zen. Lapurretaren ustezko egilearen deskripzioarekin bat egiten zuen gizonezko bat ikusi zuten bertan, galtzadarri batekin lagun bati mehatxu egiten ari zen.

Bigarren patruila bertara iritsi zenean, susmagarria eserleku batean eserita ikusi zuten, oharkabean pasatu nahian. Agenteak berarengana hurbiltzen ikusi zituenean ihes egiten saiatu zen, baina harrapatu egin zuten.

A.K. (23 urtekoa) identifikatu eta, beharrezko egiaztapenak egin ostean, atxilotu egin zuten agenteek, indarkeria erabilita lapurreta egitea egotzita. Gainera, gizonezkoak ez zuen identifikatu nahi izan Ertzainen aurrean eta, horregatik, desobedientzia larri delitua ere egotzi zioten.

Ustezko lapurrak biktimari (adineko gizonezko bat) aurpegian hainbat kolpe eman zizkiola egiaztatu zuten agenteek. Gizonezkoak aurre egin zion erasotzaileari eta horrek ezin izan zion diru-zorroa lapurtu.


149 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin