Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Bilbon bereak ez ziren 7.000 euro gordetzeko lapurreta bat simulatzeagatik


2009-02-13 18:26

BILBO, 13 (EUROPA PRESS)

Ertzaintzaren agenteek gizonezko bat atxilotu zuten Bilbon joan den asteartean, bidegabeko jabetza eta lapurreta delituak leporatuta. Egiaztatu denaren arabera, susmagarriak lapurreta baten biktima izan zela adierazi zuen diru kopuru garrantzitsu bat beretzat gorde zuela ezkutatzeko, Eusko Jaurlaritzako Herrizaingo Sailak adierazi duenez.

Joan den asteartean Bilboko mintzategi batean jazo zen guztia, 15:00ak aldera, jabea bazkaltzera irten eta langile bat utzi zuenean negozioaren aginduetara. Beranduago, langileak jabeari telefonoz deitu eta mintzategian lapurretan egin berri zutela eta diru kopuru handi bat lapurtu omen zutela jakinarazi zion.

Segidan, jabeak Ertzaintzari eman zion gertatutakoaren abisua eta patruila bat eta jabea lokalera iritsi ziren pixka bat geroago. Berehala, langileak jabeari eta agenteei kontatu zien ustez gertatutakoa. Hiru bezero mintzategira heldu eta ordenagailuetan internet erabiltzen hasi omen ziren; handik gutxira hirurak hurbildu omen zitzaizkion eta inguratu egin omen zuten; gizonezkoetako bat atzean jarri eta lepoan labana bat jarri omen zion.

Ondoren, lapurrek kutxan zeuden 700 euro hartu omen zituzten alde batetik eta baita bidaltzeko prest zeuden beste hainbat diru zorro ere; guztira 7.000 euro inguru. Langileak adierazi zuen berehala mintzategitik alde egin zutela eta kale kantoira arte jarraitu zituela baina ezin izan omen zituen harrapatu.

Lapurrek ustez jarraitu zuten bide bera egin zuten agenteek eta langileak esan bezain azkar desagertzeko era bakarra bertan dagoen metroa hartu izana zela ondorioztatu zuten. Hau dela eta, Bilboko metroko langileekin hitz egin zuten eta langileak emandako deskribapenarekin bat zetorren hiruko talderik ez zela bertatik igaro egiaztatu zuten.

Beste hainbat xehetasunek ere ertzainak susmotan jarri dituzte. Esaterako, langileak alarma botoia jo ez izana edo mintzagailuko erantzungailua txikiegia zela langileaz gain beste gizon bat barruan sartu eta aipatu bezala kokatu eta lepoan labana bat jarri ahal izateko.

Ondorioz, agenteek beste hainbat egiaztapen egin zituzten eta langileak azaldu zienak zentzurik ez zuela konturatu ziren. Berriz galdekatu zutenean, berak hartu zuela dirua aitortu zuen langileak; egindakoa ezkutatzeko asmatu omen zuen lapurretaren istorioa.

Hau guztia kontuan hartuz, langilea (30 urteko gizonezkoa) atxilotu zuten agenteek bidegabeko jabetza eta lapurreta delituak leporatuta eta ertzainetxera eraman zuten.


1045 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin