Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Basaurin kontainer bati su emateagatik


2006-10-06 11:22

BILBO, 6 (EUROPA PRESS)

Ertzaintzak 25 urteko M.B.H. gizonezkoa atxilotu dute gaur goizaldean Bausaurin, kontainer bati su ematen harrapatu ondoren. Paper batzuk eta metxero bat zituen eskuetan, eta horiek erabilita erre nahi zuen edukiontzia, Eusko Jaurlaritzako Herrizaingo Sailak jakinarazi duenez.

Gaur goizaldeko 3,00ak aldera, euskal poliziari deitu diote Basauriko Ariz Torrea kalean (Basauri) kontainer bat sutan zegoela jakinarazteko. Gertakaria izan den tokirantz zihoazela, Kale Nagusiak eta Balendin Berriotxoa kaleak bat egiten duten lekuan beste kontainer bat ikusi dute agenteak, ohiko tokitik kanpo zegoela; gainera, jertsearen txanoaz burua estalita zuen pertsona bat ikusi dute ondoan.

Gizonezkoari zer egiten ari zen galdetu diote poliziek, eta esku batean paper batzuk eta bestean piztuta zegoen metxero bat zituela ikusi dute. Antza denez, kontainerrari su emateko erabili nahi zituen. Agenteak ikustean, korrika hasi da gizona, baina ertzainek jarraitu diote eta handik gertu harrapatu dute. Identifikatu ostean, M.B.H. atxilotu dute, kalte delitu bat leporatuta.

Lehenago ere hiru aldiz atxilotu dute. Beharrezko izapideak amaitutakoan, epailearen esku jarriko dute atxilotua. Ariz Torrea kaleko kontainerrari su ematea ere egozten dio Ertzaintzak.


218 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin