Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gizon bat atxilotu dute Barakaldon beste gizon bati 80 euro eta ibilgailu bateko giltzak lapurtzeagatik


2006-08-10 12:47

BILBO, 10 (EUROPA PRESS)

Ertzaintzak 40 urteko gizonezko bat atxilotu du gaur goizaldean Barakaldon, indarkeria erabiliz lapurreta egin duelakoan. Atxilotuak 80 euro eta ibilgailu bateko giltzak ostu dizkio kutxazain automatiko batean dirua atera berri zuen gizon bati, Eusko Jaurlaritzako Herrizaingo Sailaren arabera.

Gertaerak gaur goizaldeko 2,00etan izan dira, Sestaoko Ibarzarra industrialdean. Biktima ibilgailu batetik jaitsi da kutxazain automatiko batean dirua ateratzeko eta, bertara itzuli denean, eserlekuan zeraman gerriko poltsa bat bertan ez zegoela konturatu da. Poltsa horretan sakelako beste telefono bat zuenez, deitu egin du eta pertsona ezezagun batek erantzun dio. Kutxazain automatikoan dirua ateratzen zegoela gerriko poltsa lapurtu dioten susmoa sendotu du horrek.

Diruaren truke bere gauzak emateko eskatu dio biktimak lapurrari, eta honek onartu egin du eskaera. Topo egin dutenean, borrokan hasi dira eta, azkenean, diruarekin eta ibilgailuko giltzekin ihes egitea lortu du lapurrak.

Jarraian, Ertzaintzari deitu dio biktimak eta, handik minutu batzuetara, salatzaileak lapurraren ezaugarri fisikoen eta jantzien gainean emandako ezaugarriekin bat egiten zuen pertsona bat aurkitu du patruila batek Barakaldoko Lasesarre auzoan (Barakaldo).

Ustezko lapurra zela egiaztatuta, agenteek atxilotu egin dute eta biktimari giltza-sorta eta dirua eman dizkiote. Atxilotua epailearen esku utzi dute gaur goizean (J.C.E., Sestaoko 40 urteko bizilaguna da). Aurretik ere, 20 aldiz atxilotu dute ondarearen aurkako delituak leporatuta


205 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin