Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gipuzkoako Diputazioak 79,5 milioi euro erabiliko ditu adindu, ezindu eta babesik gabeko umeei laguntzen


2006-01-11 16:43

Diru-laguntza hau zenbait elkartekin sinatutako hitzarmenaren ondorioa da, eguneko zentroak zein etxeetan laguntza aurreikusiz

DONOSTIA, 11 (EUROPA PRESS)

Gipuzkoako Foru Aldundiko Gizarte Politikarako Departamentuak 79,5 milioi euro jarriko ditu besteen beharra duten adineko pertsonekin, ezinduekin, eta babesik gabeko umeekin lanean ari diren elkarteei laguntzeko sinatu diren hitzarmenen bidez, jakinarazi du foru aldundi gipuzkoarrak gaur komunikatu batean.

Diputatuen Kontseiluak erabaki batzuk hartu ditu azken bileran. Erabaki horien bidez Gizarte Politikarako Departamentuak elkarte batzuekin dituen konpromiso ekonomikoei erantzungo die izenpetuta dauzkan lankidetza hitzarmenen bidez, nahiz besteen mende dauden adineko pertsonen arloan, nahiz ezintasunen bat duten pertsonen arloan, eta nahiz babesik gabeko haurren arloan ere.

Erabaki hauetan jasotzen dena egin beharreko gastu da, izan ere elkarte horiek bultzada ekonomiko hori jaso behar izaten dute, horrela Gipuzkoar gizartean talderik behartsuenen alde lanean jarrai dezaten. 2006ko eguneratzeak, hurrengo Kontseiluetan onartuko dira eta indarrean atzerako ondorioekin sartuko dira.

Horrela, Diputatuen Kontseiluak gastua egiteko baimena eman du, Gizarte Politikarako Departamentuak finantza ditzan elkarte batzuekin hitzartuta dituen adineko pertsona ezinduentzako egoitza eta eguneko zentroetako plazak: egoitzetako 3.466 plaza eta eguneko zentroetako 837, horretarako Foru Aldundiak ia 52 milioi euro jartzen dituelarik.

Esther Larrañaga Gizarte Politikarako diputatuak zehaztu du horiek ez direla foru ekarpenarekin finantzatzen diren plaza guztiak, eta gogorazi du Gipuzkoak guztira 4.629 egoitza plaza dituela, horietatik %87 Foru Aldundiak finantzatzen dituenak, eta eguneko zentroetako 1.238 plaza. Eguneko zentroetako plazak ia ehuneko ehunean Foru Aldundiarekin hitzartuta daude.

Arlo horretan ere, foru gobernuak erabaki du 11 milioi euro jartzea besteen beharra duten adineko pertsonentzako etxeko laguntza zerbitzua finantzatzeko. Aurten, gutxi gorabehera 5.600 gipuzkoarrek izango dute zerbitzu hori; horietatik %60 besteen beharra dutenak izango dira.

Menpekotasunaren arloan lanean ari diren elkarteekin departamentuak dituen hitzarmen eta kontratuetako ekarpenak eguneratzen direnean, aurten, Gizarte Politikarako Departamentuak 97 milioi euro jarriko ditu besteen beharra duten pertsonak eta beren familiakoak ondo zainduta egoteko programa eta baliabideetan.

PERTSONA EZGAITUAK

Era berean, Diputatuen Kontseiluak hitzarmen batzuk izenpetu ditu pertsona ezgaituen eta adimeneko gaixoen bizi kalitatea hobetzeko lanean ari diren elkarteekin: Atzegi, Aspace, Gautena, Aransgi edo Elkartu elkarteekin; baita Acasgi, Agifes, Caritas, Gurutze Gorria eta Gizaide elkarteekin ere, adimen osasunaren arloan.

Adierazi du foru diputatuak kasu honetan, 12,5 milioi euro jarri direla batez ere egoitzetako 520 plaza eta eguneko zentroetako 404 plaza ordaintzeko, aisi eta astialdiko beste programa batzuk, edo etxeko laguntza alde batera utzita.

Kasu horretan onartutako erabakiek pertsona ezgaituentzako baliabide sarearen zati bat ere hartzen dute, guztira egoitzetako 627 plaza eta eguneko zentroetako 657 plaza. Ezgaitasunaren alorreko aurrekontuak, orotara, 30 milioitik gorakoa da.

Azkenik, 4 milioi euro jarri dira Foru Aldundiaren babespean dauden adingabeentzako harrera egoitzak kudeatzen dituzten elkarteekin egindako hitzarmenak finantzatzeko. Atala honek 7 milioitik gorako aurrekontua du.

Etxebizitza horiek 191 plaza eskaintzen dituzte, eta bertan, beren familiengandik banandu egin behar diren adingabeak bizi dira, hau da, Foru Aldundiaren tutoretzapean daudenak. Iaz, urte bukaeran, zentro horietan 229 adingabe zeuden.


134 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin