Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gipuzkoako Diputazioak 200 milioiko mailegua sinatu du Inbertsioen Europako Bankuarekin, Donostiako 2. ingurabiderako


2009-01-26 14:32

DONOSTIA, 26 (EUROPA PRESS)

Gipuzkoako Foru Aldundiak -Bidegi Azpiegituretako Gipuzkoako Agentziaren bidez- eta Inbertsioen Europako Bankuak 200 milioi euroko mailegu operazioa sinatu dute gaur, Gipuzkoan eraikitzen ari den bide azpiegitura garrantzitsuenetako bat finantzatzeko: Donostiako 2.

ingurubidea.

Ekitaldian izan dira Markel Olano Gipuzkoako diputatu nagusia, Carlos Da Silva Costa bankuko presidenteordea, Eneko Goia Bide Azpiegituretako diputatua, Pello Gonzalez Ogasuneko eta Finantzetako diputatua eta Borja Jauregi Bidegiko zuzendari nagusia. Sinadura ekitaldia Inbertsioetako Europako Bankuaren egoitzan izan da, Luxenburgon.

Akordioari jarraituz, Europako Inbertsioen Bankuak 200 milioi euroko mailegua emango du, Donostiako 2. ingurabidea finantzatze aldera. Mailegua 30 urterako eman da gehienez ere, gabealdiko bost urteak barne, eta interesa aldakorra izango da, baina betiere Euriborraren azpitik. Eragiketa berri honi esker sendotuta gelditzen da Europako Inbertsio Bankuaren eta Bidegiren arteko lotura, bere garaian ere 300 milioi euroko mailegua sinatu baitzuten

Eibar-Gasteiz (AP-1) autobidea finantzatzeko.

Donostiako 2. ingurubidea autobide berri batek osatzen du, eta 17

kilometro luze da. Donostia hegoaldetik inguratuko du, eta Errenterian, Donostian, Astigarragan, Hernani, Lasarte-Orian eta Usurbilen barrena luzatuko da. Egungo saihesbidearen kanpoko ordezkoa izango da.

Saihesbidean sortzen diren trafiko arazoak direla eta, egunean 95.000 ibilgailu ibiltzen baitira bertan batez beste, beharrezkoa da Donostiako 2. ingurubidea eraikitzea, hartara Gipuzkoan barrena doan nazioarteko trafikoa bertara bidera dadin eta Donostiako sarrerak arindu daitezen.


647 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin