Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gipuzkoako 74 udalerrik Diputazioarekin hitzartutako etxeko laguntza zerbitzuaren araudi berria onartu dute


2006-08-28 12:21



DONOSTIA, 28 (EUROPA PRESS)

Gipuzkoako 74 udalerrik Lurralde Historiko honetako Foru Aldundiak hitzartutako etxeko laguntza zerbitzuaren araudi berria onartu berri dute, Diputazio gipuzkoarreko iturriek gaur prentsa-ohar batean argitzen dutenaren arabera.

Etxeko laguntza zerbitzua Gipuzkoan hedatuen dagoen adinekoentzako gizarte zerbitzuetako bat da, 4.817 erabiltzailerekin. Nolanahi ere, aurtengo urtera arte programak ez du izan lurralde osorako balio zuen eta gipuzkoar guztientzako baldintza homogeneoak ezarriko zituen araudirik.

2005. urtearen amaieran, Gipuzkoako Foru Aldundiak eta EUDELek (Euskal Udalen Elkarteak) akordio bat lortu zuten egoera hori bukatutzat emateko eta udalerri guztietan baldintza bereko etxeko laguntza zerbitzua ezartzeko.

Oinarrizko akordio horren ostean, Diputazioak lankidetza hitzarmenak izenpetu zituen Gipuzkoa osorako berdina izango zen etxeko laguntza zerbitzuaren araudi berria 2006an onartzeko konpromisoa hartu zuten hainbat udalekin. Gipuzkoako 88 udalerrietako 85ek akordioa izenpetu zuten.

Gipuzkoako Foru Aldundiko Gizarte Baliabideen Plangintza eta Kudeaketako zuzendariak, Ramon Jauregik azaldu duenez, une honetan, 74 udalerrik araudi berria onartu dute. Hauetatik 18 onartzeko bidean dira, eta 57 udalerrik behin betirako onartu dituzte. Horrek esan nahi du, hasieran egindako proposamena betez, urte bukaerako bermatuko dugula 65 urtetik gorako gipuzkoar guztiek baldintza berdinean jasotzea zerbitzu hori.

Geratzen diren udalerriak dira: Abaltzisketa, Azpeitia, Baliarrain, Mutiloa, Ordizia, Orendain, Segura, Soraluze, Zaldibia eta Zerain. Horixe izan zen, hain zuzen ere, Diputazioak udalei Gipuzkoako etxeko laguntza zerbitzua arautu beharraren premia azaldu izanaren arrazoi nagusia.

Diputazioaren helburua da herritar orok, hirian nahiz landa eremuko herri batean bizi, kalitate baldintza bereko gizarte zerbitzuak jasotzeko eskubidea izatea, eta hori ezin genuen lortu 5.000 erabiltzaile baino gehiago dituen etxeko laguntza zerbitzuaren alorrean 88 udalerri bakoitza bere aldetik arituta, ziurtatu du zuzendariak.

2010 URTEA

Ordenantzak bateratzeak eragina du hainbat kontutan, hala nola, etxeko laguntza zerbitzuaren barruan sartzen diren zerbitzu motetan edo zerbitzua jaso ahal izateko baldintzetan, baita erabiltzaileek ordaindu beharko dituzten zenbatekoetan ere, orain berdinak izango direnak udalerri guztietan.

Zerbitzuaren antolaketari esker, gainera, zenbait helburu jarri ahal izan dira 2010. urterako 6.573 pertsona programa horretan sartu ahal izateko, horietako 3.900 ezinduak. Beraz, 65 urtetik gorako biztanleriaren %5 zerbitzu honen barruan izango dugu udalerri guztietan, zerbitzua batez beste zazpi ordukoa izango da astero eta, gainera, jaiegunetara zabalduko da, zuzendariak aditzera eman duenez.

Akordioaren gai nagusietako bat, hain zuzen ere, zerbitzua asteburuetara zabaltzea izan da, eta horrela gehieneko tarifa bat ezarri da lanegunak eta jaiegunak bereiztuta. Horrela, bada, Diputazioak 16 euro/orduko ordainduko die udalei lanegun bakoitzeko eta 19, 20 euro/orduko igande eta jaieguneko.


225 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin