Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gidatzeko teknika eraginkor eta ekonomikoak ezagutzeko ikastaroa antolatu dute Bilboko Udalak eta EEEk


2009-01-21 12:22

BILBO, 21 (EUROPA PRESS)

Bilboko Udaleko Zirkulazio eta Garraio Arloak eta Energiaren Euskal Erakundeak (EEE) Gidatzeko Era Ekologiko, Ekonomiko eta Eraginkorreko Ecodriving ikastaroa antolatu berriro Bilbon, Energia Dibertsifikatzeko eta Aurrezteko Institutuaren (IDAE) duten lankidetza hitzarmen baten barnean.

Ecodriving ikastaroari esker gidatzeko estilo berria bultzatu nahi da, erregaia aurreztu, CO2 isurketak murriztu eta bideko segurtasuna bermatuz. Lau orduko iraupena du ikastaroak, doakoa da eta guztira 240 pertsonentzako lekua dago. Guztira egingo diren 16 saioetatik parte-hartzaileek egokien datorkiona aukera dezakete, saio bakoitzeko 15 plazak bete arte.

Horrela, otsailaren 5etik 8ra bitartean izango dira aurreneko saioak eta otsailaren 12tik 15ra bitartean bigarren txandakoak. Ondorengo ordutegia izango dute guztiek: goizekoak 10:00etatik 14:00etara eta arratsaldekoak 16:00etatik 20:00etara. Ikastaroa Bilboko Suhiltzaileen Etxeko Prestakuntza Gelan izango da.

Antolatzaileek azaldu dutenez, aurten bosgarren aldiz antolatzen da mota honetako ikastaroa. Inskripzioa parte hartu nahi duten guztientzat zabalik egongo da 943 43 08 00 telefonoan; izena emateko e-mail bat ere badago: bilbao@conducemejor.com. Horrez gain, ekimenak web-orri bat dauka informazioarekin: www.conducemejor.com gaztelaniaz eta www.hobetogidatu.com euskaraz.

Ikastaroa teorikoa eta praktikoa da eta lau fasetan banatuko da: hasierako saio praktiko batean ikasleen ohiko abiadura eta kontsumo parametroak neurtuko dira; bigarrenean irakatsiko dira gidatzeko era ekonomikoaren kontzeptu teorikoak eta ibilgailua erabiltzean kontuan hartu beharreko ingurumenari buruzko irizpideak; hirugarren urratsa izango da gidatzeko era ekonomikoaren teknikak praktikan jartzea, irakasleek erakustaldi praktikoak egingo dituzte eta berriz neurtuko dira parte hartzaileen abiadura eta kontsumo parametroak; azkenik, egindako neurketetako emaitzen konparazioa egingo da eta azken konklusioak aurkeztuko dira.

Gidatzeko teknika eraginkor hauek lotura estua dute azeleragailuaren erabilerarekin, martxen erabilerarekin, abiatzearekin eta gidatzerako orduan sor daitezkeen zirkulazioko ezusteko egoerekin.

Ikastaroaren arduradunentzat, motorren teknologiaren garapen berriei esker gidatzeko era berri eta eraginkorragoa lortu da. Egungo gidariek ikasi duten gidatzeko era ez zaio egokitzen teknologia horri, hori dela eta, behar-beharrezkoak dira honelako ikastaroak. Gidatzeko era ekonomikoa Europa mailako proiektu baten barruan kokatzen da eta zeharo hedatuta dago Alemanian, Suitzan eta Herbehereetan. Esate baterako, Suitzan 10.000 lagunek egiten dituzte ikastaro hauek urtero.

Aurreko edizioetan 820 pertsonek parte hartu zuten ikastaroan, eta aurtengoarekin, Gidatzeko Era Ekologiko, Ekonomiko eta Eraginkorreko Ecodriving ikastaroaren bostgarren edizio honekin Bilboko 1.000 herritar baino gehiago aukera izango dute gidatzeko era ekonomikaren abantailak ezagutzeko.

Gidatzeko era ekonomikoaren onurak honako hauek dira: batez beste erregaiaren %15a aurrezten da, batez besteko abiadura jaitsi gabe;

CO eta CO2ren isurketa gutxiago eta kutsadura akustiko txikiagoa;

istripu arriskua %10 eta %25 bitartean murrizten da; ibilgailuaren mantentze gastuak gutxitzen dira (balaztak, enbragea, martxa-kutxa eta motorra) eta erosoagoa da gidariarentzat, estres gutxiago sortzen duelako.


196 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin