Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Getxoko Udazkeneko Kontzertuek 2.00 lagun bildu zituzten 21. edizioan


2006-11-08 16:46

BILBO, 8 (EUROPA PRESS)

Getxoko XXI. Udazkeneko Kontzertuan 2.000 lagun izan dira. Jordi Savall biola-joleak eman zion amaiera atzo bertan hasi zen ziklo honi. Guztira, bost saio izan dira, eta horietatik hirutan bete egin du publikoak Getxo Antzokia. Programa anitzez gozatu ahal izan du publikoak edizio honetan, ospe handiko artisten eta musikari berrien eskutik, Getxoko Kultur Etxetik gaur jakinarazi dutenez.

Maria Bayo soprano nafarrak eman zien hasiera Udazkeneko Kontzertuei pasa den asteko ostegunean. Abeslari ospetsuak, Roger Vignoles piano-joleak lagunduta, Getxo Antzokia bete egin zuen. Besteak beste, W. A. Mozart, Oscar Espla, Eduard Toldra eta Xabier Montsalvageren piezak interpretatu zituen Bayok.

Bigarren saioan Mozarten musika bilakatu zen protagonista. Ensemble Ausonie talde belgikarrak eta Isabelle Poulenard soprano frantziarrak programa monografikoa eskaini zuten autore austriarraren arien eta sonaten inguruan. Hirugarren kontzertuan Nova Lux talde gazteari iritsi zitzaion txanda. Iruñeko ganbera abesbatzaren baitan sortu zen talde hau XVI., XVII. eta XVIII. mendeetako pieza ezezagunak berreskuratzeko asmotan. Getxon eskaini zuten saioan, Juan Frances de Iribarren musikagile nafarraren salmoak izan ziren musika-programaren ardatz nagusi.

Joan den astelehenean, Talentu berriak atalaren saioa izan zen zikloan. Ekimen hau orain dela hiru urte sortu zen Getxoko eta inguruko herrietako balore berriak bultzatzeko asmoz. Aurten, Pedro Calderon tenor getxotarrak hartu du parte atal honetan, Mercedes Rodriguez Arrieta piano-joleak lagunduta. Kontzertu honetan ere Getxo Antzokia bete egin zen eta publikoak hainbat garaitako musikagileen piezaz osatutako programaz gozatu ahal izan zuen.

Atzoko emanaldian ere musikazaleek bete egin zuten aretoa. Azken kontzertuan Jordi Savall biola-jole ospetsua jardun zen, hirukotean, Pierre Hantaï (klabezina) eta Rolf Lislevand (tiorba eta gitarra) musikariekin. Artista katalanak La viole du Roi Soleil izeneko programa eskaini zuen, Luis XIV. erregearen gortearen garaitako musikari dedikatua.

Azkenik, W. A. Mozart musikagilearen jaiotzaren 250. urteurrena dela eta, berari buruzko erakusketa dago ikusgai Algortako erakusketa-aretoan azaroaren 10era arte. Bertan, zenbait taulatan, bisitariek artista handi honen lana, bizitza eta XVIII. mendeko musika ezagutu ahal izango dituzte bisitariek, besteak beste.


324 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin