Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Getxoko Udalak lana aurkitzen lagundutzen duen Getxo Ekinean II egitasmoan 70 lagunek hartuko dute parte


2006-01-13 14:12



BILBO, 13 (EUROPA PRESS)

Getxoko Udalak, Europako Gizarte Funtsaren, Bizkaiko Foru Aldundiaren eta kostaldeko udalerri hontako udal beraren dirulaguntzarekin, Getxo Ekinean II egitasmoa abiarazi du, eta 2006ko urtarriletik 2007ko uztailaren 25era arte egingo den ekimen honetan 70 bat lagunek hartuko dutela parte aurreikusten da, aurretik egin diren Enplegua Indartzen, Enplegua Indartzen Plus eta Getxo Ekinean egitasmoen jarraipena delarik.

Udal getxotarrak adierazten duenez, aurreneko deialdiaren antzera, Getxo Ekinean II egitasmoaren helburua langabezian dauden herritarrak lana biltazen laguntzea da, ondorengo lanbide arlo hauetan: Hirugarren Adinarentzako, Haurtzaroarentzako eta Menpeko pertsonentzako Zerbitzuak.

Oraingo honetan, egitasmoak arreta berezia eskainiko die lana topatzeko zailtasun handiagoak dituzten eta udal Gizarte Zerbitzuen laguntza jasotzen duten pertsonei, eta etorkinei ere. Aipatu enplegu-sorguneak beste lan esparru batzuetara zabaldu daitezke ere, baztertuta edo baztertzeko arriskuan dauden langabetuak izanez gero.

Egitasmoaren barruan egingo den jardunaren arabera, lana bilatzeko norberari egokitutako ibilbideak egingo dira, orientazioa, trebakuntza eta lantegiko praktikak eta bekak tartekatuz, eta baita kalitatea eta lana bilatzeko eginbideak jorratuko dira ere, hori guztia Udalak enpleguaren alde garatzen dituen osoko politiken barruan, hain zuzen, 2004-2007ko Enplegu eta Ekonomiaren Garapenerako Egitasmoan jasotzen direnak.

Getxo Ekinean II ekimenaren aurrekontua 407.700€koa da, %45 Europako Gizarte Funtsak, %30 Udalak berak eta gainontzeko %25 Bizkaiko Foru Aldundiak ordainzten dutelarik.


266 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin