Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Getxoko Udalak (Bizkaia) hezkuntza elebidunaren aldeko ekimenak egingo ditu aurrematrikulazio kanpainari begira


2009-01-22 11:24

BILBO, 22 (EUROPA PRESS)

Getxoko Udalak (Bizkaia) hezkuntza elebidunaren aldeko hainbat ekimen egingo ditu datozen egunetan, aurten otsailaren 2tik 13ra bitartean izango den ikastetxeetako aurrematrikulazio kanpainari begira.

Egungo ikasturtean haur gehienak euskarazko ereduetan ikasten ari dira Getxon; hain zuzen ere, Haur Hezkuntzan, D ereduan %65 ari da ikasten, B ereduan %17 eta A ereduan %17; Lehen Hezkuntzan, D ereduan ikasleen %48 ari da ikasten, B ereduan %29 eta A ereduan %23a, Getxoko Udaletik azaldu dutenez.

Horrela, aste honetan bertan Udal getxoztarrak Ume elebidunen gurasoentzako eskuliburua bidaliko du 2 eta 3 urte arteko haurren etxeetara. Elebakartasunaren aldean, elebitasunaren abantailak azaltzen ditu gidak euskaraz eta gaztelaniaz Guia para padres y madres de niños bilingües izeneko liburuan oinarrituta. Gidak iaz arrakasta handia izan zuenez aurten ere argitaratzea erabaki du Udalak, eta 2.000 ale kaleratu ditu guztira.

Bestalde, datorren astean, urtarrilaren 26tik 30era, Alkarbideren bitartez Bizkaiko 45 udalerritan euskarazko ereduetan matrikulatzeko egingo den 1+1 goiburuko sentiberatze-kanpainan parte hartuko Getxoko Udalak. Kanpainaren bidez, hezkuntza sistema osatzen duten ereduei (A gaztelania hutsezkoari, B elebidunari eta D euskara hutsezkoari) buruzko informazioa emango zaie 2-3 urteko haurrak

dituzten gurasoei eta, batez ere, beste herrialde batzuetatik Euskal Herrira bizitzera etorri diren etorkinen familiei. Udalak 2.500 gidaren ale banatuko ditu.

Kanpaina Getxoko 1.400 familiari helduko da, 2 eta 3 urteko haurrak dituzten familiei, guztiek etxean jasoko baitute hezkuntza ereduei buruzko eskuliburua. Horrekin batera, eskolan hastear dauden Memory jolasa eta Imanol Landa alkatearen gutuna ere jasoko dituzte. Horretan, alkateak gogoratzen du hizkuntza komunikazio bidea izateaz gain, bizi garen lekuan bertakotzeko baliabide nagusietako bat ere dela eta hildo horretatik elebitasuna da gizarteratzeko giltzarri nagusietakoa eta bihar-etziko gizartean aiseago moldatzeko.

Azkenik, Getxoko Udalak Etorkizuna euskaraz dator esku-orria berriro argitaratu du egun hauetan eredu euskaldunen abantailak kanpotik etorri direnen artean zabaltzeko. Horretarako hamar familiek (etorkinek eta bertokoek) euren esperientzia azaltzen dute.

1.500 ale kaleratuko ditu Udalak ikastetxe, haurtzaindegi eta etorkinak mugitzen diren tokietan (lokutorioetan, etorkinen elkarteetan).


127 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin