Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Getxoko San Lorentzo eguneko azokak 19.000 bat lagun bildu ditu


2006-08-10 13:27

BILBO, 10 (EUROPA PRESS)

Aurten ere Getxoko San Lorentzoko Azokak emaitza itzela lortu duela nabarmendu dute Getxoko Kultur Etxeko arduradunek. Izan ere, guztira, 19.000 bisitari izan dira goiz osoan zehar, gaurko jaia ospatzen duen merkatu ezagun honetan. Aurtengo ekitaldian Euskal Herri osoko 80 bat ekoizlek parte hartu dute eta 100 postu egon dira.

Antolatzaileeen esanetan, azoka honek duen salmenta kopuruak eta urtero jasotzen duen jendetzak argi erakusten dute ekitaldi hau derrigorrezko hitzordua dela baserriko produktuak erosi nahi dituen ororentzat. Ohikoa denez, San Lorentzoko jaia Biotz Alai Abesbatzak eskainiko duen kontzertuaren eskutik amaituko da (Biotz Alai plaza, 22,00etan, sarrera doan).

Ohi bezala, azoka 10,00etan hasi da baina, ordu hori baino lehenago, lehenengo bisitariak begiradatxoa ematen hasi dira eguneko lehenengo erakusketak egiteko asmotan. Handik ordubetera, publikoak azokaren hiru salmenta guneak bete ditu: San Nikolas, Getxo Antzokia eta Biotz Alai plazak, hain zuzen ere. Arratsaldeko 14,00ak arte etengabe jarraitzen dute salmentek.

Bestalde, bertoko trikitilari taldeei eta aurten jarri diren hiru txosnei esker, jai giroa nagusi izan da azokan. Hau guztia, eta goizean izan den eguraldi ona ezinbestekoak izan dira giro itzela lortzeko.

Produktuen aniztasuna eta kalitatea izan dira aurten ere San Lorentzoko Azokaren ezaugarri nagusiak. Barazkiak, txerrikiak eta ahatekiak, lekaleak, txakolina, euskal pastela, tradiziozko okintza, gozokiak, landareak eta loreak, gaztak, eztia eta beste hainbeste produktuak egon dira salgai merkatuan. Ohikoa denez Euskal Herri osotik etorritako ekoizleek etorri dira Getxora bere salgaiekin.

LEHIAKETAK

Eguerdian ekoizle askok espero zuten momentua heldu da, epaimahaiak barazki, landare eta gazta lehiaketen emaitzak jakinarazi baititu. Aurten, barazki lehiaketan, Urdulizko Adela Andikoetxeak lortu du lehenengo saria, Mª Angeles Andikoetxea bere ahizparen eta Barrikako Jose Ramon Intxaurtietaren aurretik.

Landare lehiaketari dagokionez, Urdulizko Maria Jesus Viteri izan da garaile eta Larrondoko Emilio Mateosek eta Barakaldoko Enedina Madariagak eskuratu dute bigarren eta hirugarren saria, hurrenez hurren.

Azkenik, gazta lehiaketan Alicia Monedero (Abadiño) izan da garaile, Ricardo Muriasen (Muskiz) eta Javier Aranbururen (Idiazabal) aurretik. Gainera, aurten sari berezia eman zaio Getxoko ekoizlerik onenari, Jose Antonio Zabalari, hain zuzen ere.


323 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin