Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Getxoko San Lorentzo Azokak 80 ekoizle baino gehiago bilduko ditu ostegunean


2006-08-08 12:34

BILBO, 8 (EUROPA PRESS)

Urtero bezala, Getxoko Kultur Etxeak eta BBK-k San Lorentzo Azoka antolatu dute ostegun honetarako. Elkarrengandik gertu dauden hiru kokapen izango ditu: San Nikolas, Biotz-Alai Abesbatza eta Getxo Antzokia plazak. Oraingoan, 80 inguru ekoizle 100 postutan banatuko dira. Ohikoa denez, merkatua goizeko 10,00etan hasiko da eta, gutxi gorabehera, 14,30etan itxiko da. Gaueko 22,00 aldera, Getxoko Biotz-Alai Abesbatzak jaialdia itxiko du urtero talde honen izena duen plazan eskaini ohi duen kontzertuaren bitartez.

Merkatuko bisitariek goiz osoan zehar euskal baserriko produktu tipiko ugari erosi ahal izango dituzte: barazkiak, frutak, gaztak, pateak eta ahatearen deribatuak, ogia, pastelak, eztia, sagardoa edo txakolina, bai eta apaindurako landareak ere, urdaitegiko produktuak eta abar luze bat. Trikitilari eta gaitari taldeak egongo dira jai giroa animatzeko; horrela, bertaratzen direnek taloa txorizoarekin, sagardoa edo bestelako produktu batzuk dastatu ahal izango dituzte plaza bakoitzean dauden hiru txosnetan.

San Lorentzoko merkatuan, goiz erdian, ekoizle askok nahitaezko hitzordua izango dute, Idiazabal jatorrizko deitura, barazki eta landareen lehiaketa tradizionalen eskutik. Merkatu honetako produktuen kalitate eta aniztasuna pizgarri nagusiak dira bisitarientzat, eta horiei esker, Getxoko San Lorentzo era honetako Bizkaiko hitzordurik garrantzitsuenetakoa da. Iaz, merkatu honek 18.000 lagun baino gehiago erakarri zituen.

Eguna bukatzeko, gaueko 22,00etan, Biotz-Alai Abesbatza San Lorentzoko jaiari amaiera bikaina emateaz arduratuko da. Horrela bada, bere ohiko kontzertua emango du Getxoko abesbatzaren izena daraman plazan bertan. Ekitaldi honetarako sarrera doan izango da.


242 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin