Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Getxoko Jazzaldiaren talde lehiaketan izena emateko epea hasi da eta 2007ko otsailaren 17an bukatuko da


2006-12-12 12:51

BILBO, 12 (EUROPA PRESS)

Getxoko XXXI. Nazioarteko Jazzaldiaren talde lehiaketan izena emateko epea dagoeneko hasi da. Lehiaketa 2007ko uztailaren 4tik 7ra bitartean egingo da eta horretan parte hartu nahi duten talde guztiek datorren urteko otsailaren 17a arte eman dezakete izena.

Antolakuntzako iturriek jakinarazi dutenez, jazz musika jotzen duen Europako edozein talde aurkez daiteke lehiaketara, joera edo estiloa edozein izanda ere. Parte hartzeko gehienezko adina 30 urtekoa da, 2007 urtean betetzekoa eta inskribatzeko orduan kreditatu beharrekoa.

Parte hartzeko eskabide orriei, taldearen kalitatearen egiaztagarri izan daitekeen edonolako materia erantsiko zaie; taldeak grabatutako CD bat eta kalitate oneko argazki bat erabat ezinbestekoak dira.

Behin eskabide guztiak jasota, Getxoko Jazzaldiaren epaimahaiak hautagaien behin-betiko aukeraketa egingo du martxoan. Hil horretan bertan finalean parte hartuko duten taldeen izenak jakinaraziko dira. Ohikoa denez, hautatutako lau finalistek esku-dirua jasoko dute, 900 eta 1.800 euro artekoa, kontzeptu guztiak barne (bidaia, egile-eskubideak...), eta egonaldia antolakundearen esku egongo da.

Finalista bakoitzak jaialdiko lehenengo lau egunetan parte hartuko du eta irabazlea berriro arituko da azken egunean. Sariei dagokienez, 3.000 euro jasoko dituzte irabazleek eta disko bat grabatuko zaie zuzenean. Horrez gainera, irabazleek CD bat grabatuko dute zuzenean. Bigarren sariari 1.200 euro dagozkio eta, azkenik, bakarlaririk onenak 600 euro irabaziko ditu. Sariez gain, irabazleek Hoeilaarteko (Belgika) eta Ibizako jazzaldietan parte hartuko dute, Getxo Jazzek horiekin duen akordioari esker.


214 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin