Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Getxoko Ihauteriak hiru egunez publiko orori zuzenduta egongo dira, partaidetza eta tradizio euskalduna sustatu asmoz


2006-02-17 11:18



BILBO, 17 (EUROPA PRESS)

Musika, dantzak, karaokea eta mozorro tailerra izango dira Getxoko 2006ko Ihauterien egitarauaren ekitaldi batzuek gaur goizean prentsaurrekoan aurkeztu dutenez, horiek guztiak haurrei, gazteei eta baita nagusiei ere zuzendutakoak.

Imanol Landa, Presidentzia arloko zinegotziak esan du aurtengo egitaraua azken urteotako osatuena eta handinahia dela, berritasun ugarirekin eta getxotarrak jaia ospatzeko berton gelditzea lortzeko helburuarekin.

Horretarako ekitaldiak Algortan izango dira otsailaren 24tik 26ra, hiru egunez, goizeko, arratsaldeko eta gaueko ordutegietan. Jendearen partaidetza sustatu nahi dute eta ospakizunaren euskal tradizioa gorde nahi bada ere, beste kultur adierazpen batzuek ere agerian geratuko dira.

Kultur Etxearen eta Gazteriaren eta Euskara udal zerbitzuen eskuetatik antolatutako ekintzak Algortako erdigunean izango dira jai honen inguruan ahalik eta lagun kopuru handien biltzeko asmoarekin, azaldu du Landak, Erromon eta Andra Marin otsailaren 26an, larunbatez, izango diren ospakizunetarako Udalak diru-laguntza eta materiala ere bai eman duelarik.

EGITARAUA

Ekitaldien egitaraua ostirala 24an zabalduko da, goizeko 11,00etan, eskoletako ohiko inauteri desfileekin Erromo eta Algorta-Andra Mari aldeetan. Arratsaldean, 18,00etan, Algortako Geltokian berbena-diskoa egingo da, haurrentzako mozorro dantzaldia, karaokea, fotomatoia eta txokolatea txurroekin ere izango direlarik.

Larunbatean, hilak 25, Gazte Leku fanfarreak Algortako kaleak girotuko ditu 12,00etatik aurrera eta ordu erdi beranduago erraldoi eta buruhandiak izango dira San Nikolas plazan, Tellagorrin eta Satistegin. Eguerdiko 13,00ean, Simon Otxandategi taldearen eskutik, euskal inauteriko dantzak ikusi ahal izango dira Geltoki plazan, eta 18,00etan eta 20,00etan, leku berean, aratustetako karaokea antolatu du. Arratsalde osoan fotomatoia, makillaje tailerra eta txokolatea txurroekin izango dira.

Gauean, beste musika ekitaldi batzuk egongo dira, hala nola, mariatxien kontzertua, 21,00etatik 22,30ak arte, Geltoki plazan; DJ-Disko Festa, 23,00etatik 2,00ak arte, San Nikolas plazan; eta Disco Camp nagusientzako, ordu berean, Satistegi plazan. Ostalarien antolatutako ohiko Mozorro Lehiaketa ere izango da eta sari garrantzitsu batzuek banatuko ditu.

Igande 26ko ekitaldiak 12,00etan hasiko dira Simon Otxandategiren Zanpantzarrekin eta Algortako oinezkoentzako gune eta plazetan izango diren kalejireekin. Egitaraua Deabru Beltzaken Les diables Noirs antzerki, perkusio eta piroteknia ikuskizunarekin itxiko da. Ekitaldi honen aurretik jaso ahal izango dira fotomatoian ateratako argazkiak.

Azkenik, Gazteriaren udal zerbitzuak gazteentzako mozorro tailerra antolatu duela, Villamonteko Kultur Aretoan egingo dena, hilak 17, 20, 21, 23 eta 24an. Izena emateko epea zabalik dago Algortako Gazte Bulegoan edota 94 491 01 14 deituz.


250 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin