Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Getxoko Biokulturaren I.Erakusketan, Biogetxo, guztira 60 stand baino gehiago izango dira bihar


2006-09-08 11:25



BILBO, 8 (EUROPA PRESS)

Getxo udalerri bizkaitarreko Algortako San Nikolas plazan ospatuko da datorren larunbatean, irailaren 9an, Getxoko Udalaren babesarekin eta BBKren laguntzarekin, Ekolur-Bizkaiko Nekazaritza Ekologikoaren Elkarteak antolatutako Nekazaritza Ekologikoaren eta Energia Berriztgarrien I. Erakusketa, Biogetxo delakoa, eta guztira 60 stand baino gehiago izango dira beratn.

Udal bizkaitar honetako iturrien esanetan, biojanarirekin (produktu ekologikoak, hau da barazkiak, frutak, gaztak, ardoa edo hestebeteak eta kosmetiko naturalak ere), bioeraikuntzaren inguruko produkturekin (egur ekologikoak....) eta energia berriztgarrien ingurukoekin (eguzki-panelak eta abar) osatuak egongo dira standok.

Bai Iñaki Zarraoak, Getxoko Alkateak, bai Fernando Burzakok, Ingurugiroko zinegotzi arduradunak ekimena garapen jasangarriaren barruan kokatu dute, hain zuzen ere, kontsumitzerakoan eta ekoizterakoan ingurugiroa errespetatzen duen kultura berri batean. Asmoa da herritarrak mota honetako kontsumo ekologiko osasuntsuagora apurka apurka hurbiltzen joatea eta aldi berean ekoizleak beraiek laguntzea beren lana zailagoa izaten baita.

Hurbiltzen diren herritarrek zenbait tailerretan parte hartu ahal izango dute, esate baterako, ogi ekologikoa egurrezko labean egiteko, eta baita taloak, gazta ekologikoa, paper birziklatua edo larrua lantzeko. Pintxo batzuk ere dastatu ahal izango dituzte. Gainera, bisitariek produktu ekologikoen bermeen eta ezaugarrien berri izango dute eta baita beren izaera ekologia ziurtatzeko egiten diren kontrolen ganekoa ere.

PRODUKTU EKOLOGIKOAK EZAGUTARAZI

Produktu ekologikoak zer diren ezagutzera eman nahi dugu, hau da, inolako pestizidarik erabiltzen ez duena ezta produktu kimikorik ere eta lur zorua kutsatzen ez duenez ingurugiroa errespetatzen duena azpimarratu du Eider Odriozola, EKOLURreko buruak.

Era berean, energia berriztagarrien eta garapen jasangarriaren alorrean lan egiten duten Euskadiko enpresak ezagutzera emateko eta sustatzeko helburuarekin, azokan bioeraikuntzako egitasmoak aurrera eramateko dauden material desberdinak edo energia berriztgarriekin energia ekoizteko erakutsiko dituzten zenbait etxola ere izango dira.

Azokak BBKren laguntza du, nekazaritza munduan era jasangarrian lan egiteko egiten ari diren gero eta esfortzu handiagoei lagundu nahi dielako eta baita produktu osasuntsuagoen kontsumoa sustatzeari ere. Erakusketa goizeko 11,00etatik 15,00etara eta arratsaldeko 17,00etatik 20,00etara izango da zabalik. Informazio gehiago, www.getxo.net helbidean.


200 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin