Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Getariko Cristobal Balenciagaren erakusketa 1940ko hamarkadako zetazko gorputz beix batekin osatuko da


2006-08-08 13:01

DONOSTIA, 8 (EUROPA PRESS)

Cristobal Balenciagari buruzko Maier bilduma: apaindura xumea izeneko erakusketa apirilaren 4an ireki zen Getarian. Bilduma Cristobal Balenciagaren 13 soinekoz eta hainbat familia-argazkiz osatzen da. Gaur erakusketa hori handitu egingo da, 1940ko hamarkadako Meye Allende Maiz andrearen zetazko gorputz beix bat, urre eta okre koloreko bordaturekin, gehitu baitzaio bildumari.

Erakusketa irailaren 30a arte egongo da ikusgai, Fundazioak Getarian duen erakusketa-aretoan. Erakusketa hau jauregiko erakusketa-aretoan egiten den azkena izango da, ondoren, 2007. urteko irailean, Cristobal Balenciaga Museoa irekitzea aurreikusten baita.

Bai bilduma eta baita argazkiak ere, Meye Maier andreak eman zituen dohaintzan. Horiek guztiak bere ama Meye Allenderenak izan ziren. Izan ere, Meye Allendek bilduma bakoitzeko pieza funtsezkoenak eskuratu zituen, modernitatez eta dotoretasunez janzten zekiela erakutsiz. Erakusten den bilduma 1930eko hamarkadatik 1960ko hamarkadara arte sortutako soinekoz osatzen da. Soineko horiek emakumeen siluetak urte horietan zuen fintasuna aditzera ematen du, eta nabarmena da laxotasuna, Cristobal Balenciagak zaku-lineari eta drapeatuei esker azpimarratu zuen bizkarreko kurbatura horretan ikusi daitekeena.

Horrela, Cristobal Balenciaga maisuak 1950eko hamarkadan emakumearen gorputza hertsatzen zuten artifizioei eta jantzi deserosoei alternatiba eman nahi izan zien, emakume lirain, soil, dotore eta erosoa sortuz.

Cristobal Balenciagaren sorkuntza guztiek ezaugarri bat dute: ez dute apaingarririk, soilak dira, eta linea eta forma harmoniatsuak erakusten dituzte. Meye Allende andrearen bilduman jostunak sortutako berrikuntza garrantzitsuenetako batzuk ikusten dira islatuta. 1937. urtean Parisen bere lehendabiziko bildumak aurkeztu zituenetik, nabarmenena bere jantzien soiltasuna izan da, eta baita ere parpaila, satina eta belusa bezalako ehun aberatsen erabilera.

Ikusgai dagoen bildumako hainbat piezetan ikusi daitekeen bezala, lore arrosa eta granatez estanpatutako cocktail soinekoaren kasuan adibidez, edota artile grisezko emakume-janzkiaren kasuan, Cristobal Balenciagaren jantziek doi-doi ukitzen dute emakumearen gorputza, estutu gabe, behealdeak askotan asimetrikoak dira, bizkarrak silueta estilizatzen duen kurba arin bat du, eta eskotea bizkarraldera erortzen da pixka bat, garondoa estali gabe utziz eta, horrela, emakumearen lepoa luzatuz.

Azken buruan, Meye Allende andrearen fideltasunari esker, egun Cristobal Balenciaga estiloa eta estilo horrek ekarri zuen iraultza erakutsi ditzakegu, emakumeari 1950eko hamarkadan emakumearen gorputza hertsatzen zuten jantzi deserosoen aurrean alternatiba bat eskainiz.


240 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin