Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gernikako (Bizkaia) Bakearen Museoak 25.000 bat bisitari jaso zituen iaz, bere hamargarren urteurrenean


2009-01-19 16:51

BILBO, 19 (EUROPA PRESS)

Gernikako (Bizkaia) Bakearen Museoak 25.000 bisitari inguru izan zituen 2008. urtean, bere sorreraren hamargarren urteurrenean alegia. Modu honetan, aurreko urtean baino 10.000 lagun gutxiago jaso zituen.

Museo gernikarreko arduradunek gaur jakinarazi dutenez, joan den urteko kopuruak duela bi ekitaldi izandakoen antzekoak dira, hau da, iaz aurreko urtean irabazi zen bisitarien kopuru bera galdu zela.

Iazko bisitarien kopurua jaitsi arren, museotik azaldu dute urte honetan izan dugun egoera kontuan hartuta, ezin dela esan zenbateko txarrak direnik, 25.000 bisitarira hurbildu baitira.

2003. urtean, Gernikako Bakearen Museoak 14.715 bisitari jaso zituen; 2004an, 17.187; 2005ean, 19.410; eta 2006an 25.557. 2007an lortu zen bisitari gehien, 35.111 lagunekin, iaz 24.755 izan ziren bitartean (22.634 heldu eta 2.112 haur).

Iazko ekitaldiko jaitsierarik handiena Hego Euskal Herriko bisitarien artean gertatu zen, 2007an 10.472 izatetik, 2008an 5.206 izatera igaro baitziren.

Espainiatik helduriko bisitariak ere jaitsi egin ziren, 2007ko 6.789tik 20008ko 4.821era. Europarren (12.310tik 10.333ra), amerikarren (1.921tik 1.466ra) eta munduko beste herrialdetako bisitarien (817tik 725era) kopuruak ere murriztu egin ziren, haurrenak bezala (2.894tik 2.112ra).

Argi geratu denez, museoak oraindik oso erakargarria da atzerriko bisitarientzat eta oraindik nahiko ezezaguna Euskal Herriko bisitarientzat, azpimarratu dute.


210 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin