Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gernikako Bakearen Museoa Fundazioak Giza Eskubideen Nazioarteko Eguna ospatuko du datorren astean zenbait ekintzekin


2006-12-05 13:12

BILBO, 5 (EUROPA PRESS)

Gernikako Bakearen Museoa Fundazioak Giza Eskubideen Nazioarteko Eguna ospatuko du hilaren 10, 12 eta 13an, nagusiei eta 8 eta 12 urte bitarteko umeei zuzendutako hainbat jarduera antolatuz, fundazioko iturriek prentsa-ohar bidez gaur iragarri dutenez.

Horrela, abenduaren 10ean, Giza Eskubideen Nazioarteko Egunarekin bat etorriz, sarrera doan izango da museora hurbiltzen den ororentzat, eta eguerdiko 12,00etan bisita gidatua izango da museora, dohainik baita.

Abenduaren 12an eta 13an giza eskubideekin lotutako ekintza izango dira ikasleei zuzenduta. Horrela, 8 eta 12 urte bitarteko umeentzat tailer didaktikoak izango dira 10,00etan eta 11,30etan. Denok berdinak? izeneko tailerraren bitartez, umeak munduan dauden desberdintasunetaz jabetzea lortu nahi da, beti ere giza eskubideen beharrizanean eta babesean indar eginez.

Hezkuntza lanaren garrantziaz jabetuta, Gernikako Bakearen Museoak izugarrizko bultzada eman dio bere hezkuntza alorrari. Horretarako, bigarren hezkuntzako ikasle, nagusi, famili eta gai hauetan interesa dutenei zuzendutako tailer didaktikoak sortu ditu; lantzen diren gaiak hauek dira: bakegintza, Gernika-Lumoko historia eta gatazken eraldaketa.

2007. urtetik aurrera, aipaturiko tailerrak lehen hezkuntzako umeentzat bereziki moldatuta eskainiko dira. Didaktika arlo hau urtean zehar egingo diren beste ekintza mordo batek osatuko du, historia, memoria eta bakearen kultura ardatz direla.


199 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin